Keshe ǵana portta taǵy bir jańalyqtyń tusaýy kesildi. Qazaqstannyń kólik-logıstıkalyq áleýetin damytý úshin tıimdi ınfraqurylym salýdy jáne ekonomıkalyq nyǵaıýyn qamtamasyz etýdi basty maqsat etken «Nurly jol» baǵdarlamasy aıasynda «Samuryq-Qazyna» UÁQ» AQ, «Qazaqstan temir joly» UK jáne «QazMunaıGaz» UK-nyń birlesýimen Transkaspıı baǵytyndaǵy turaqty fıderlik júıe iske qosyldy. Teńiz operatory «Qazaqteńizkólikfloty» UTKQ kompanııasy bolyp tabylady.
Fıderlik tasymal arqyly Qytaıdan Eýropaǵa konteınerlermen tasymaldanatyn tranzıttik taýarlar qazaqstandyq eksporttyq júkpen qatar jedeldetilgen rejimde jóneltiletin bolady. Qazaqstan, Ázerbaıjan, Grýzııa, Túrkııa temirjolshylary Lıanıýngannan Ystambýlǵa baratyn konteınerlik poıyzdar quramynyń tranzıttik tasymalyn jedeldetýge qol jetkizbek. Iаǵnı Aqtaý teńiz porty, «Qorǵas – Shyǵys qaqpasy» AEA qurǵaq porty, Altynkól shekaralyq stansasy logıstıkalyq ınfraqurylymyn belsendi paıdalaný Qazaqstan aýmaǵy arqyly tranzıttik tasymal tıimdiligin qamtamasyz etedi.
Apta saıyn turaqty qatynap turatyn fıderlik kemeler Kaspıı aımaǵynda júkterdi konteınerlendirýdi odan ári damytý jáne Transkaspıılik halyqaralyq kólik baǵyty boıynsha júk aǵynynyń artýyna yqpal etedi. Fıderlik tasymal kezinde eki tolyq quramdy konteınerlik poıyzdyń júgin bir kemege tıeýdi qamtamasyz etedi. Iаǵnı, jıyrma fýttyq 225 konteıner syıatyn kemeler paıdalanylady.
Shara aıasynda Aqtaýdan Baký portyna alǵashqy «Túrkistan» fıderlik kemesi jóneltildi. «Qazaqstan temir joly» UK qyzmetkerleriniń aıtýynsha, aldaǵy ýaqytta fıderlik júıe arqyly kórsetiletin qyzmettiń aýqymyn keńeıtip, kemeler sanyn arttyrý jáne aptasyna birneshe ret qatynaýdy qalyptastyrý qolǵa alynbaq.
Saltanatty sharaǵa «Samuryq-Qazyna» UÁQ» AQ basqarma tóraǵasy A.Esimov, «Qazaqstan temir joly» UK basqarma tóraǵasy S.Myńbaev, «QazMunaıGaz» UK» AQ basqarma tóraǵasy A.Aıdarbaev, Mańǵystaý oblysynyń ákimi E.Toǵjanov, kóliktik-logıstıkalyq kompanııa basshylary men júk jóneltýshiler, sondaı-aq transkaspıılik baǵyttaǵy servısti paıdalanýshylar qatysty.
– Búgin elimiz úshin tarıhı oqıǵa – Qazaqstanda tuńǵysh ret Aqtaý men Baký arasyndaǵy fıderlik jeli iske qosyldy. «Samuryq-Qazyna» qorynyń aktıvterin sınergııalaý jáne Kaspıı teńizindegi fıderlik konteınerlik qyzmetti iske qosý osy baǵytty jáne jalpy aımaqty damytý úshin barynsha mýltıplıkatıvti áser alýǵa múmkindik beredi, – dedi saltanatty sharada A.Esimov.
Qazirgi tańda Aqtaý portyn jańǵyrtý jemisti júzege asyrylýda. Fıderlik qatynastyń jolǵa qoıylýy Qazaqstannyń tasymaldaý áleýetin arttyrýmen qatar, Mańǵystaý óńiriniń áleýmettik-ekonomıkalyq damýyna óz úlesin qosatyn bolady. Fıderlik keme qatynasy júıesimen Aqtaý porty arqyly tasymaldanatyn júk kólemi 2019 jyly ótken jylǵy kórsetkishten 10%-ǵa, 2020 jyly 22 %-ǵa óspek. Al jalpy kiris kólemi 2019 jyly 13%-ǵa, 2020 jyly 40 %-ǵa deıin jetedi dep shamalanady. Sondaı-aq fıderlik keme qatynasynyń ashylýy Aqtaý porty arqyly júkteletin júk kólemin 50%-ǵa
deıin kóbeıtýge jáne «Aqtaý teńiz-saýda porty» AEA-da konteınerler jóndeýmen aınalysatyn logıstıkalyq hab qurý úshin sheteldik ınvestorlardy qyzyqtyrýǵa, jańa servıstik qyzmet kórsetý oryndaryn qurýǵa jol ashady.
– Kaspıı elimizdiń tranzıttik áleýetin iske asyrýda strategııalyq ról atqarady. Teńizdegi portty tıimdi paıdalaný, sý joly arqyly tasymaldaýdy tıimdi josparlaý – fıderlik keme qatynasy arqyly konteınerlik poıyzdardyń jyldamdyǵyn qadaǵalaýdy qamtamasyz etýge, Transkaspıı halyqaralyq kólik baǵyty boıynsha júk tasymaldarynyń artýyna jáne Kaspıı aımaǵynda júk konteınerlerin odan ári damytýǵa qol jetkizýge múmkindik beredi. О́ıtkeni transkaspıılik baǵyt aımaqtaǵy eýrazııalyq kóliktik arterııanyń mańyzdy tizbegi sanalady. Túrkııadan, Grýzııadan, Ázerbaıjannan jáne kerisinshe Qytaı baǵytyna júk aǵynyn tartý úshin biz bul baǵytty básekege qabiletti etetin koefısıentti tómendetip belgiledik, – degen «Qazaqstan temir joly» UK basqarma tóraǵasy S.Myńbaev, Aqtaý teńiz portynyń áleýeti men fıderlik júıeniń tıimdiligine toqtaldy. S.Myńbaevtyń aıtýynsha, paromdyq júıe de óz mańyzyn joımaıdy, biraq ýaqyttan utylmaı, joǵary qarqynǵa qol jetkizý – basty maqsat.
Shara sońynda «Qazaqstan temir joly» UK basqarma tóraǵasy S.Myńbaev pen «QazMunaıGaz» UK» AQ basqarma tóraǵasy A.Aıdarbaev qos kompanııa arasynda qurǵaq júkterdi tasymaldaýdyń bas kelisimine qol qoıdy.
Mańǵystaý oblysy
