Rýslan Dálenov baǵdarlama iske asyrylǵan 4 jyldan beri respýblıkalyq bıýdjetten 210 mlrd.teńge bólingenin habarlady. Bul qarajat 13 myń ShOB sýbektisine qarjy berýge, 10 myń jumys ornyn qurýǵa, 3,3 trln.teńgege ónim óndirýge múmkindik berdi.
Mınıstrlik deregine qaraǵanda, osy 4 jyl ishinde Baǵdarlama aıasynda 13 231 jobaǵa 1,1 trln.teńge kredıt berilip, 246,5 mlrd.teńge kóleminde sýbsıdııa tólendi. 2019 jylǵy 1-toqsannyń qortyndysy boıynsha, 715 jobaǵa 37 mlrd.teńge kredıt bólinip, ol boıynsha 11,5 mlrd.teńge sýbsıdııa men kepildik tólengen.
«Baǵdarlama iske asyrylǵan 4 jyl ishinde 7 466 jobaǵa 135 mlrd. teńge sýbsıdııa, 4 148 jobaǵa 56 mlrd. teńge kepildik berildi», - dedi mınıstr.
Ol qabyldanǵan sharalardyń nátııjesinde, ShOB-tyń ekonomıkadaǵy mańyzy artqanyn atap ótti. Máselen, 2015 jyly JIО́-degi ShOB úlesi 24,9%, 2018 jylǵy – 9 aıda 28,9%. Osylaısha, 2015 jylmen salystyrǵanda, shaǵyn jáne orta kásipkerlerdiń ekonomıkaǵa qatysýy 4 tarmaqshaǵa ósti.
2019 jylǵy 1 qańtarda jumys isteıtin shaǵyn jáne orta kásipkerlik sýbektileriniń sany 1,2 mln birlikke jetti. О́tken jylǵy osy kezeńmen salystyrǵanda, bul kórsetkish 8,3%-ke ósti.
Eske salsaq, bıyl Elbasynyń tapsyrmasy boıynsha, «qarapaıym zattar ekonomıkasyn» damytý boıynsha qoljetimdi kredıt berý mindetin oryndaýǵa 600 mlrd.teńge bólindi. 65 ekonomıkalyq qyzmet túriniń ishinen 365 taýar anyqtaldy. Bul kredıtterge «BJK-2020» arqyly sýbsıdııa beriledi.
Bankter 12,8 mlrd teńgeniń 21 ótinimin maquldady. EDB qaraýynda 69 mlrd teńgeniń 64 ótinimi jatyr. «Damý» qory 7,5 mlrd teńgeniń 12 jobasyn sýsıdııalaý shartyn bekitti
Sonymen qatar, bızneske qarjy berýdiń qoljetimdi bolýyn kúsheıtý maqsatynda birqatar sharalar pysyqtalýda:
Birinshi. «Qarapaıym zattar ekonomıkasy» boıynsha aınalym qarajatyna kredıt berý úlesin 30%-ten 50%-ke deıin arttyrý qarastyrylýda.
Ekinshi. «Qarapaıym zattar ekonomıkasyn» kepildendirý quraldaryn «BJK-2020» arqyly engizý pysyqtalýda.
Úshinshi. «BJK-2020» boıynsha qarjylandyrýdy arttyrý usynylýda.
ShOB damýyn odan ári yntalandyrý úshin kásipkerlikti damytýǵa qolaıly jaǵdaı týǵyzýǵa baǵyttalǵan bıznes-ortany damytýǵa arnalǵan zańnamalyq túzetýlerdiń 7-paketi qabyldandy.
«BJK-2020»-ny 2025 jylǵa deıin uzartý sheńberinde qarjylyq qoldaý quraldaryn jetildirýge baǵyttalǵan túzetýler ázirlendi.
«Bul sharalar bıznesti memlekettik qoldaý men qarjylandyrý sharalarynyń qoljetimdiligin, sondaı-aq onyń el ekonomıkasyna úlesin arttyrýǵa múmkindik beredi», dedi Rýslan Dálenov.
