Kelisimge «Rosatom» memlekettik korporasııasynyń kúrdeli jumsalymdar, memlekettik qurylysty qadaǵalaý jáne memlekettik saraptama boıynsha dırektory Gennadıı Saharov, buildingSMART reseılik bóliminiń vıse-tóraǵasy, qurylystaǵy ınjener-keńesshilerdiń ulttyq qaýymdastyǵynyń (QIKUQ) atqarýshy dırektory Olga Kýbanskaıa jáne Qazaq qurylys jáne sáýlet ǵylymı-zertteý jáne jobalaý ınstıtýty («QazQSǴZI» AQ) Damý jáne sıfrlandyrý jónindegi basqarýshy Aleksandr Shahnovıch qol qoıdy.
Úshjaqty kelisim birlesken maqsattyq baǵdarlamalar men jobalardy iske asyrýdy, ulttyq jáne halyqaralyq bilim berý, ǵylymı jáne praktıkalyq jobalarǵa qatysýdy uıǵarady. «Halyqaralyq forýmnyń aıasynda biz turaqty damýdyń maqsattaryna jetý, kommýnıkasııalardyń tıimdiligin arttyrý jáne yntymaqtastyqtyń jańa nysandary týraly kóp aıtamyz. Bul kelisim eki elge biryńǵaı standarttar boıynsha jumys isteýge jáne sıfrlyq tehnologııalar salasynda tájirıbe almasý jyldamdyǵyn ósirýge múmkindik beredi», - dedi Gennadıı Saharov.
Kelisim aıasynda «Reseı Federasııasynyń sıfrlyq ekonomıkasy» ulttyq baǵdarlamasyn iske asyrýdyń jáne Qazaqstan Respýblıkasynyń qurylysyn sıfrlandyrý salasynda jańartýlar engizýde birlesip jumys isteý josparlanyp otyr. «building SMART reseılik bóliminiń aıasynda josparlanyp otyrǵan «Rosatom» memlekettik korporasııasy men «QazQSǴZI» arasyndaǵy yntymaqtastyq TMD aýmaǵynda Open BIM praktıkalyq tásilin damytýǵa túrtki bolmaq. Aldymyzda bizdiń elimizde týyndaǵan tájirıbelerdi qurylys jobalarynda atalatyn derekterdi basqarý salasyndaǵy qabyldanǵan halyqaralyq beıindik alıanstyń standarttaryna keltirý boıynsha kóptegen máseleler men mindetter kútip tur. Sondyqtan, salalyq sıfrlandyrý salasynda ózindik ádistemelik atqarymdary bar bizdiń kompanııamyzdyń zertteý toptarynyń kúshterin biriktirý elimizdegi qurylys obektilerin aqparattyq modeldeý tehnologııalaryn údemeli damytý úshin qajet» - dedi «QazQSǴZI» AQ Damý jáne sıfrlandyrý jónindegi basqarýshy dırektory Aleksandr Shahnovıch.
Kelisimniń jekelegen tarmaǵynda ózara baılanysty derekter katalogtaryn ázirleý salasynda ózara árekettesý jazylǵan. «QIKUQ bazasynda orys tildi keńistikte building SMART ádistemesin is júzinde engizý máselelerin pysyqtaý boıynsha alań qura aldy. Talqylaý júrip jatyr jáne qalyptastyrylatyn halyqaralyq alıanstyń ontologııasyna baılanystyra otyryp orys tilinde termınder sózdigi jasallyp jatyr. Biz úshin aqparattyq modeldeý úderisterin standarttaýda tájirıbesi bar qazaqstandyq áriptesterimiz osy jumysqa qosylatyny mańyzdy» -dep atap ótti Olga Kýbınskaıa.
Taraptar sondaı-aq mamandardy daıarlaý deńgeıin jetildirýge baǵyttalǵan jobalardy iske asyrý kezinde ózara keńes berý qyzmetterin kórsetý múmkindigi týraly kelisti.
