«Qazgeologııa» AQ dástúrli túrde Geolog kúninen keıin bastalatyn dala jumystarynyń maýsymyn ashty.
Bıyl sáýir aıynda Qarǵandy oblysynyń Úsh shoqy ýchaskesinde 2018 jyly bastalǵan burǵylaý jumystary jalǵastyrylady.
Ýchaskede topografııalyq-marksheıder jumystary oryndalyp, rekognossırovkalyq ári tekserý izdeý marshrýttary jasaldy, sondaı-aq ZTEM ádisi qoldanylǵan aerogeofızıkalyq jumystar júrgizildi. Osynyń nátıjesinde tarıhı materıaldarmen birge geofızıkalyq derekterdi egjeı-tegjeıli zertteý ári olarǵa keshendi taldaý jasaý nátıjesinde ken mólsherin baǵalaýǵa usynym berilgen 7 perspektıvaly ýchaske belgilendi.
Jarsaı jáne Qoıys ýchaskeleri erekshe qyzyǵýshylyq týdyrýda.
Qoıys ýchaskesinde altynnyń mıneraldanýy qaıtalama kvarsıtterdiń kvars-serısıtti jáne monokvarsti quramymen, olar keıingi devon jasyndaǵy výlkanogendi qatpardyń joǵarǵy qabatynda óristegen qyshqyl výlkanıttermen baılanysty.
Jarsaı ýchaskesinde altynnyń mıneraldanýy Kók qudyq tóbesi kesheniniń keıingi devon dáýirindegi monsodıorıtti porfırıtter anyqtalǵan jáne uzaqtyǵy 250 - 650m, qýaty 250m deıin kvarstelgen aımaqtarmen baılanysty.
Anyqtalǵan anomalııalardy baǵalaý ári kontýrlaryn jasaý úshin 200-600 metrge deıin uńǵymalar burǵylanatyn bolady.
2019 jyly jalpy kólemi 5000 q.m 16 uńǵyma burǵylanady. Qazirgi ýaqytta, 2 uńǵymany burǵylaý aıaqtalýda.
