Búgin Indýstrııa jáne ınfraqurylymdyq damý mınıstri Roman Sklıar «Qazaqstandyq ındýstrııany damytý ınstıtýty» AQ ujymyna jańa basqarma tóraǵasy Ábdiqadyrov Álisher Elisulyn tanystyrdy.
Usynym barysynda Mınıstr «QIDI» AQ aldyna «qarapaıym zattardyń ekonomıkasyn» damytýǵa jáne eksportqa baǵdarlanǵan ındýstrııalandyrýǵa baǵyttalǵan tıimdi ónerkásiptik saıasatty iske asyrý boıynsha mindetter qoıylǵanyn atap ótti. Álisher Ábdiqadyrov M.Lomonosov atyndaǵy Máskeý memlekettik ýnıversıtetiniń túlegi bolyp tabylatynyn atap ótti. Eńbek jolyn Indýstrııa jáne ınfraqurylymdyq damý mınıstrliginde bastaǵan, ár jyldary Pavlodar oblysy, Nur-Sultan qalasynyń ındýstrııalyq-ınnovasııalyq damý basqarmalaryna basshylyq etti. Osy ýaqyt ishinde Álisher Ábdiqadyrov ındýstrııalandyrý baǵdarlamasynyń birinshi jáne ekinshi besjyldyǵyn ázirleýge, ınvestısııa tartýǵa, ónerkásip pen ınnovasııalardy damytýǵa belsendi qatysty. «Eren eńbegi úshin» mereıtoılyq medalimen marapattalǵan. Mınıstr jańa taǵaıyndalǵan tóraǵa qoıylǵan mindetterge qol jetkizý úshin jınaqtaǵan tájirıbesi, bilimi men kásibı daǵdylaryn qoldanatynyna senim bildirdi. Sondaı-aq Mınıstr uıymnyń burynǵy basshysy Dana Beısenqyzy Júnisovaǵa birlesken jumysy úshin alǵysyn bildirdi.
Sondaı-aq mınıstr «QIDI» AQ Basqarma tóraǵasynyń orynbasary Bekmaǵambetov Murat Maratulyn tanystyrdy.
Murat Bekmaǵambetov L.N. Gýmılev atyndaǵy Eýrazııa ulttyq ýnıversıtetiniń túlegi, S. Seıfýlın atyndaǵy Qazaq agrotehnıkalyq ýnıversıtetin «Qarjy jáne nesıe» mamandyǵy boıynsha, sondaı-aq Geneva Business School támamdaǵan.
Ár jyldary Duke University, University of California Berkeley, KUHNE Logistics University, E&Y, International Communication of school, DB International taǵylymdamadan ótti.
15 jyldan astam «Qazaqstan temir joly» ulttyq kompanııasynyń qurylymynda jumys istedi. Taǵaıyndalǵanǵa deıin «Qazaqstan temir joly» UQ» AQ Strategııalar, GR jáne korporatıvtik damý departamentiniń dırektory qyzmetin atqarǵan. «Qazaqstan temir joly» UQ» AQ damý strategııasyn ázirleýge jáne iske asyrý máselelerin, sondaı-aq kólik jáne logıstıka salasyndaǵy zańnamalyq qyzmetke jetekshilik etken.
