Konferensııa jumysyna «Nur Otan» partııasy oblystyq fılıaly Saıası keńesiniń músheleri, partııa ardagerleri, barlyq deńgeıdegi máslıhattardaǵy depýtattyq fraksııalardyń músheleri, jergilikti atqarýshy organdardyń basshylary, bastaýysh partııa uıymdarynyń tóraǵalary men buqaralyq aqparat quraldarynyń ókilderi, «Jas Otan» jastar qanatynyń músheleri qatysty.
Elbasy, «Nur Otan» partııasynyń tóraǵasy Nursultan Nazarbaev aǵymdaǵy jyldyń aqpan aıynda ótken sezde ınjenerlik-áleýmettik ınfraqurylymdy, perspektıvalyq aýyldardy damytýǵa baǵyttalǵan «Aýyl – el besigi», «Qutty meken», «Halyqqa kómek» jáne «Baqytty otbasy» jobalaryn jarııalap, jańa mindetterdi atap kórsetken bolatyn. Bul rette «Nur Otan» partııasy Mańǵystaý oblystyq fılıaly tóraǵasynyń orynbasary Z.Esbergenova baıandama jasady.
Onyń aıtýynsha, atalmysh partııalyq 4 joba týraly 11-13 sáýir aralyǵynda 158 bastaýysh partııa uıymdarynyń jınalystary men 7 aýmaqtyq fılıaldardyń konferensııalarynda keńinen túsindirilgen.«Halyqqa kómek» jobasy boıynsha kóp balaly jáne áleýmettik qıyn jaǵdaıdaǵy otbasylarǵa oblystyq, qalalyq, máslıhat depýtattary, «Bereket-F» JShS – 40 otbasyna, «Biz adamdar-biz birgemiz» qaıyrymdylyq qory – 50 otbasyn azyq-túlikpen qamtamasyz etti. Sondaı-aq, «Bereket-F» JShS 180 otbasyna 20 paıyz jeńildikpen «Aq NEK» ónimderin alýǵa sertıfıkat berdi.
Ekinshi «Baqytty otbasy» jobasy aıasynda «Nur Otan» partııasy Mańǵystaý oblystyq fılıaly janynan qurylǵan Balalardyń quqyǵyn qorǵaý jónindegi jumys tobyn jasaqtalyp, jumys jospar bekitilse, «Aýyl – el besigi» jobasy aıasyndaǵy «Mektep sportzalyn jańǵyrtý» jobasy boıynsha óńirde 5 mekteptiń sport zaly jańartylady. Aqtaýdaǵy – 3 mektep, Munaıly aýdany boıynsha – 2 mekteptegi sport zaldar jańǵyrtylady. Ekinshi – aýyldy kadrmen qamtamasyz etý. Qoldaý sharalaryn jaqsartý esebinen «Dıplommen aýylǵa» jobasynyń aıasynda 500 mamandardy tartý josparlanǵan.
Úshinshi – aýylda jastar kásipkerligin damytý. Aǵymdaǵy jyly 2000 jas maman 500 sharýa qojalyǵyna taǵylymdamadan ótý úshin jiberiledi. Taǵylymdama qorytyndysy boıynsha kem degende 500 jasty iri sharýa qojalyqtaryna jumysqa ornalastyrý, agro-óndiristik keshen salasynda keminde 200 jastar jobasyn iske qosý josparlanǵan. Al, «Qutty meken» jobasy boıynsha ınjenerlik jáne áleýmettik ınfraqurylymnyń damý barysyna partııalyq baqylaýdy júrgizý maqsatynda maqsatta úsh deńgeıli baqylaý júıesi quryldy. Iаǵnı, aýdandar men qalalar deńgeıinde monıtorıngileý toptary jumys istemek. Olar tikeleı obektiniń ózinde baqylaýdy qamtamasyz etedi.
-Osylaısha, jergilikti jerdegi, aýyldardaǵy, aýdandardaǵy jáne qalalardaǵy bizdiń partııalastarymyz turǵyndardyń azamattyq belsendiligin yntalandyrý, azamattardy áleýmettik mańyzdy iske tartý úshin múmkindik alady. Laýazymdy tulǵalardyń arasynda sybaılas jemqorlyqqa, urlyqqa, nemquraılylyqqa qarsy is-qımyldyń tıimdi jaǵdaılary jasalady. Bul degenimiz – bıýdjet qarajaty maqsatty jumsalmaq. Halyq belgilengen merzimde sapaly jolǵa, turǵyn úıge, kommýnıkasııaǵa, ózge de áleýmettik jáne ınjenerlik ınfraqurylymǵa qol jetkizedi, dedi óz baıandamasynda Zvıra Esbergenova.Al áleýmettik az qamtylǵan otbasylardyń tabysy men ál-aýqatyn kóterýge baǵyttalǵan partııalyq jobalar týraly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy Batyrbek Ibrashov baıandady.
Sondaı-aq, sóz sóılegender qatarynda ardager - ustaz, partııa ardageri, ustazdar dınastııasynyń múshesi Láıla Jalǵasbaeva, «О́zenmunaıgaz» kompanııasynyń ınjeneri Juldyz Muhambetqalıqyzy, «Vaınah» sheshen-ıngýsh etno-mádenı birlestiginiń tóraǵasy Kýdýz Bamatgereev, aýylsharýashylyǵy salasynyń ardageri, Túpqaraǵan aýdanynyń qoǵamdyq keńes múshesi, partııa ardageri Nurym Bólekbaev boldy.Sharada «Nur Otan» partııasynyń kezekten tys XIH sezine Mańǵystaý oblystyq fılıalynan 19 delegat saılandy.
