Zııatkerlik mektepte balalardy naqty ǵylym túrlerimen aınalysýǵa shaqyratyn «Ǵylym» taqyrybyndaǵy onkúndik ótti. Fızıka, hımııa, matematıka, bıologııa pánderinen kún saıyn qyzyqty zertteý sabaqtaryn, sheberlik saǵattar men baıqaýlar uıymdastyrylýda. Sondaı sharanyń biri – zymyran qurastyrý sheberlik sabaǵyn fızıka kafedrasynyń ustazdary ótkizip, balalarǵa erekshe kóńil kúı syılady. Sheberlik saǵatyna ǵarysh salasyna erekshe qyzyǵatyn oqýshylar jazyldy. 15-ke jýyq oqýshy óz qoldarymen zymyran jasap, ony ushyrý mehanızmimen tanysty.
– Ǵaryshqa ushatyn zymyrandar týraly oılaǵanda, onyń qalaı qurastyrylatynyn, sondaı-aq júıeniń qalaı jumys isteıtinin bárimiz bilgimiz keledi. Sheberlik saǵaty bizdiń osy oıymyzdy júzege asyryp, zymyran qurastyrý salasyndaǵy bilimimizdi keńeıtýge kómektesti. Sharanyń erekshe tusy – muǵalimderdiń zymyrandy qolda bar qatty qaǵaz, penoplast, turba, qalam, syzǵysh sekildi zattardan jasaýǵa bolatyndyǵyn kórsetkeni, – deıdi sabaqqa qatysqan Dana Zarkým.
Aıta ketý kerek, oqýshylar zymyran qurastyrý jáne ushyrýmen alǵash ret aınalysyp otyrǵan joq. Olar jyl saıyn zymyrandy ushyrýdyń ártúrli joldaryn baqylap kórip, eksperıment júrgizedi.
– Byltyr sý qysymynyń kómegimen zymyran ushyrýǵa tyrystyq. Biraq ol kezde qurylǵymyz ushpap edi. Al bıyl biz birsatyly túrin jasap, ony oq-dári kómegimen ushyryp kórdik. Bir sátte tórt zymyran qatar ushqanyn kórgen dostarymyz qatty qýandy. Bul qyzyǵýshylyǵymyzdy arttyra tústi, – deıdi 10-synyp oqýshysy Maǵjan Ýteev.
Jıynda muǵalimdermen birge «Ǵarysh. Ǵylym. Intellekt» taqyrybynda Qyzylordada ótken IH Naýryz kezdesýleri ǵylymı jobalar baıqaýyna qatysqan oqýshylar belsendilik tanytyp, ózge dostaryna kómek kórsetti.
– IH Naýryz kezdesýleri baıqaýy ǵarysh salasyna balalardy baýlýǵa arnalǵan eń keremet joba der edim. Atalǵan saıys elimizdiń túkpir-túkpirinen jınalǵan biz sekildi jastarǵa zymyran, teleskop jasaýdy úıretken sheberlik saǵattar ótkizý, Qazaqstannyń ǵaryshkerlerimen kezdesý, NASA SpaceH sekildi alyp kompanııalar mamandarynan dáris alý múmkindigin, ǵarysh astanasy Baıqońyrdy kórý baqytyn buıyrtqan mańyzdy shara, – deıdi 11-synyp oqýshysy Dınara Tilegenova.
– Bul balalardy ǵarysh salasyn zertteýge baǵyttaıtyn erekshe shara dep esepteımin. Osy arqyly zymyran jasaý boıynsha halyqaralyq Kosmonavtıka mektebiniń muǵalimderimen birge sheberlik saǵatyn ótkizýge qol jetkizdim. Bul keremet tájirıbe boldy, – deıdi fızıka pániniń muǵalimi Erkin Makenov.
Oqýshylarǵa ǵana emes, ustazdardyń ózine aıryqsha áser syılaǵan joba jalǵasyn taýyp, izdenis kókjıegi keńeıe túsedi dep oılaımyz.
Mańǵystaý oblysy
