Bala týý kórsetkishi 1000 turǵynǵa shaqqanda sońǵy bes jylda turaqty tómendep otyrǵan. Mysaly, ótken jyldyń ózinde 1000 adamǵa shaqqanda 13,2 baladan kelgen, (jyl boıy 11500 náreste dúnıege kelgen), bul kórsetkish respýblıka boıynsha 21,7 quraıdy. Ústimizdegi jyldyń birinshi toqsanynda oblys kórsetkishi 3,23 boldy.
Oblysta 222 myń bala kóteretin jastaǵy áıel bar. Perzenthanalarda 420 tósek bar, sonyń 203 tósegi ana men nárestege arnalǵan jáne gınekologııalyq tósekter. Jyldyń birinshi toqsanynda Jangeldın aýdanynda bir ana ólimi oryn aldy. Qazir tıisti oryndardyń osy oqıǵa boıynsha tekserýi júrip jatyr. Alqa otyrysynda toqsan qorytyndysyn baıandaǵan Oblystyq qoǵamdyq densaýlyq saqtaý departamentiniń basshysy Oral Bekmaǵambetov bul oqıǵanyń aldyn alýǵa bolatyndyǵyn jasyrmady. Oblys ákimi Arhımed Muhambetov Jangeldın aýdandyq aýrýhanasynyń bas dárigeri Qýat Álmaǵambetovke qatań eskertý jasady, eger qaıtalansa, jumystan bosatýǵa deıin baratynyn aıtty. О́ńir basshysy aınaldyrǵan 12 myń turǵyny bar aýdanda aıaǵy aýyr áıelderdiń kútimin, tekserilýin ýaqytyly qadaǵalaý kerektigin, ana men bala densaýlyǵyna salǵyrttyq keshirilmeıtinin de eske saldy.
Qostanaı
