Tórtinshi ret ótkeli otyrǵan «Eurasian Book Fair-2019» Eýrazııalyq halyqaralyq kitap jármeńkesine qatysýshylar sany jyl saıyn artyp keledi. Bıyl Qazaqstan, Reseı, Polsha, Ázerbaıjan, Túrkııa, Latvııa, Qytaı, Belgııa, Ýkraına, Iran, О́zbekstan elderiniń kitap baspalary qatysady.
«Bul kitap jármeńkesi– 13 memlekettiń baspalary men kitap naryǵynyń ókilderiniń basyn qosyp, qazaqstandyq oqyrmandarmen júzdestirgen uly jıyn. Jyl saıyn bul sharanyń mazmuny men aýqymy ósip, halyqtyń qyzyǵýshylyǵy artyp jatqany qýantady, - dedi «Folıant» baspasynyń dırektory Isabekov Nurlan.
Kórme aıasynda keshendi mádenı-iskerlik baǵdarlama júzege asady. Atap aıtsaq, túrli tanystyrylymdar, dóńgelek ústelder, forýmdar, túrli baıqaýlar, sondaı-aq, tanymal mádenıet qaıratkerleri: aqyn-jazýshylarmen kezdesýler uıymdastyrylady. Qazaqstandyq jáne sheteldik qonaqtardyń qatysýymen mádenı-iskerlik sharalar ótedi. Etno-mádenı birlestikter óner kórsetedi.
«Kitap baspalary men oqyrmandardyń osylaı betpe-bet, júzbe-júz kezdesýleriniń mańyzy zor, paıdasy mol. Ulttyq ári álemdik ádebıetke bet túzeý, rýhanı azyq alý, kitap oqý mádenıetin nasıhattaý, jańa ıdeıa ıelerimen tildesý, kitap avtorlarymen júzdesý- osy forýmnyń basty maqsaty. Mundaı jıynǵa jas oqyrmandardyń, ásirese oqýshylardyń qatysqany mańyzdy. О́ıtkeni bul - elimizdiń negizgi kapıtaly sanalatyn jastardyń bilimine, rýhanı damýyna quıylǵan ınvestısııa. Sebebi búgingi qoǵamda balalardy kitapqa qumartý, qyzyqshylyǵyn oıatý-ózekti másele», - dep atap ótti «Folıant» baspasynyń dırektory Ortalyq kommýnıkasııalar qyzmetinde.
Sonymen qatar, «Eurasian Book Fair – 2019» kitap kórmesi aıasynda baspalar arasynda «Úzdik ólketaný salasyndaǵy basylym», «Balalar men jasósipirimder basylymy», «Mádenıt jáne óner», «Ǵylym jáne ınnovasııa», «Bas júlde», osyndaı 6 atalym boıynsha baıqaý úzdikteri jarııalanady. Jeńimpazdar men nomınanttar arnaıy dıplomdarmen marapattalady.
Aıta ketsek, tórtinshi «Eurasian Book Fair - 2019» Eýrazııalyq halyqaralyq kitap kórme-jármeńkesi 2019 jyly 24-27 sáýir aralyǵynda Nur-Sultan qalasynda «Kórme» ortalyǵynda ótedi.
