Týǵan jerde eńbek etý – zor baqyt

Juma, 17 tamyz 2012 6:59

Prezıdent Nursultan Na­zar­baevtyń “Jalpyǵa Ortaq Eńbek Qoǵamyna qaraı 20 qadam” tapsyrmalary Qazaqstannyń áleý­mettik jańǵyrýynyń jańa ke­zeńine bastaıtyndyǵy kámil. Aldaǵy kezeńniń túbegeıli damý sıpattaryn jan-jaqty qamty­ǵan máselelerdiń keńinen qoldaý tabýy – Memleket basshysynyń ýaqyttan ozyq ári strategııalyq turǵydan durys sheshim qabyl­daǵanyn kórsetti. О́ziniń kásibı eńbek jolyn jumysshydan – bolat balqytýshydan bastaǵan Tuń­ǵysh Prezıdentimiz Nursul­tan Nazarbaevtyń eńbektegi ómir­baıany Qazaqstan halqy úshin minsiz ónege bolyp tabylady.

Juma, 17 tamyz 2012 6:59

Prezıdent Nursultan Na­zar­baevtyń “Jalpyǵa Ortaq Eńbek Qoǵamyna qaraı 20 qadam” tapsyrmalary Qazaqstannyń áleý­mettik jańǵyrýynyń jańa ke­zeńine bastaıtyndyǵy kámil. Aldaǵy kezeńniń túbegeıli damý sıpattaryn jan-jaqty qamty­ǵan máselelerdiń keńinen qoldaý tabýy – Memleket basshysynyń ýaqyttan ozyq ári strategııalyq turǵydan durys sheshim qabyl­daǵanyn kórsetti. О́ziniń kásibı eńbek jolyn jumysshydan – bolat balqytýshydan bastaǵan Tuń­ǵysh Prezıdentimiz Nursul­tan Nazarbaevtyń eńbektegi ómir­baıany Qazaqstan halqy úshin minsiz ónege bolyp tabylady. Elbasynyń baǵdarla­ma­lyq maqa­lasynyń qoǵamdy dúr silkintip, orasan zor qoldaýǵa ıe bolǵany da sondyqtan. Prezıdent eli­mizdiń damýynda árbir adamnyń óz ornyn tabýyn, Otanyna paıdaly bolýyn usyndy. О́ıtkeni, týǵan jerde eńbek etý – zor baqyt! Biz óz elimizdiń tarıhynda Nursultan Nazarbaev­tyń bas­shylyǵyndaı osynshama ulan-asyr tabysqa jetip kórgen joq­pyz. Qazaqstannyń jáne halqy­myzdyń osy zamanǵy kel­be­tin búkil álemge pash etken adam – jas memleketimizdiń Tuń­ǵysh Pre­zıdentiniń naq ózi. Halqy­myz ózderiniń aldaǵy jetis­tikterin Prezıdenttiń naq ózimen baılanystyrady.

Prezıdenttiń memlekettik saıa­saty tereń ǵylymı taldaýǵa ǵana emes, sonymen birge eldiń máselelerin sheshýge kómegin tıgizetin keleshekti kóre bilýine negizdelgeni daýsyz. Memleket basshysy adamdardy paıymdaı biletin, olardy óziniń qul­shy­nysymen jigerlendiretin, tú­sine jáne qoldaı biletin tamasha qasıetke ıe. Nursultan Nazarbaev bizdiń oblysymyzda bol­ǵanda, jańa nysandardy aralaýmen shektelmeı, adamdarmen tikeleı áńgimelesýge múmkindik tapqa­nyn soltústikqazaq­stan­dyq­tar óz kózderimen kórdi.

Búgingi tańda eldiń eresek turǵyndary ǵana emes, sonymen birge jastar da Prezıdenttiń jańa baǵdarlamalyq maqalasyn tereń túsiný úderisi ústinde. Áleýmettik jańǵyrtý týraly Pre­zıdenttiń strategııasyn jú­zege asyrýǵa baǵyttalǵan tú­begeıli usynys engizilgen naq qazirgi sátte biz oblys jastarymen kezdesý kezinde “Meniń armanym – Qazaqstanda eńbek etý” degen taqyrypta shyǵarmalar men referattar konkýrsyn jarııalaýdy usyndyq. Sóz joq, patrıottyq tárbıe berýdiń bul nyshany jasóspirimder men qyzdardyń eldegi oń ózgeristerdi jete sezinýine múmkindik beredi. Árbir qazaqstandyq básekege qabiletti bolýǵa tıis, dep Prezıdent tekten-tek aıtqan joq. Árbir azamatty, ásirese, jastardy jasampazdyq úderiske tartý – tabysymyzdyń negizi.

Eldegi sapalyq ózgeristerdiń nátıjesinde qazaqstan­dyqtar­dyń sana-sezimi de jańǵyrý ústinde. Qazirgi qazaqstandyqtar – eń aldymen ózderine senimdi adamdar. Bizdiń barshamyz óz eli­mizdi maqtan tutamyz. Taıaýdaǵy bolashaǵymyz Elbasy Nursul­tan Nazarbaevtyń basshyly­ǵymen senimdi túrde alǵa basqan elimizdegi ulan-ǵaıyr jetistik­ter kezeńi bolmaq.

Prezıdent óziniń maqalasyn­da atap kórsetkenindeı, “О́mir sapasynyń “qazaqstandyq úlgi-qalyby barlyq jerde – iri qa­lada da, alystaǵy aýylda da – oryndalýǵa tıis”. Nátıjesinde máslıhattar jergilikti máse­lelerdi sheshý úshin turǵyndar saılaıtyn ókildik organdar re­tinde jergilikti ózin-ózi basqa­rýdyń negizine aınalady, al aýyl ákimderi memlekettik mindet­terdi oryndaýǵa qosa ashyq túr­de jergilikti máselelerdi she­shetin bolady. Mine, osyndaı kózqaras turǵyndardyń óz máse­lelerin ózderi sheshe alatyn­dyǵyn sezinýge múmkindik bere­di. Sóıtip, jergilikti ózin-ózi basqarý memlekettiń kómegimen birge adamdardy qyzý qoǵamdyq jumysqa tarta alady.

Nursultan Nazarbaev óz maqalasynda qoǵamdy túbegeıli ózgertetin nebir ózekti másele­lerdi qozǵady. Olar memlekettik júıeni jetildirýge, azamattyq qoǵam ınstıtýttaryn odan ári damytýǵa, azamattardyń quqyq­tary men bostandyqtaryn qor­ǵaý júıesin nyǵaıtýǵa qatysty.

Memlekettik qyzmetshiler Prezıdent saıasatynyń negizgi júzege asyrýshylary bolyp tabylady. Olar jyldam ózgeretin ómirden qalyp qoımaı, bolyp jatqan ózgeristerdi udaıy baqy­laýǵa jáne taldaý jasaýǵa, bolashaqty boljaı bilýge tıis. Osyndaı jaǵdaıda ǵana jaqsy nátıjege qol jetkizýge bolady.

Bizdiń oblysymyzdaǵy mem­le­kettik qyzmetshilerdiń sany – 4864, olardyń 4632-i – ákimshi­lik, 232-i saıası memlekettik qyzmette, al 2550 memlekettik qyzmetshi (52,4 paıyz) jergilikti atqarý organdarynda, 2314-i (47,6 paıyz) aýmaqtyq organdarda jumys isteıdi. 30-39 jas (28 paıyz) aralyǵyndaǵy memle­kettik qyzmetshilerdiń sany basym. Jyl basynan beri oblys­tyń memlekettik organdarynda 130 bos ákimshilik memlekettik qyzmetke konkýrs ótkizilip, oǵan 631 adam qatysty. Iаǵnı 1 oryn­ǵa konkýrs 4,8 adamdy qurady. Nátıjesinde 107 jeńimpaz anyq­taldy. Konkýrs jeńimpaz­dary­nyń kópshiligi 30 jasqa deıin­giler, olar 62 paıyzdy qurady, 85 paıyzy joǵary bilimdi, memlekettik qyzmette bir jylǵa deıin ótili barlar – 56 paıyz.

Ústimizdegi jyly 549 ákim­shilik memlekettik qyzmet­shiniń 477-i (87%) attestattaýdan ótti, al 72 ákimshilik memlekettik qyz­metshi odan óte almady. Ákim­shilik memlekettik qyzmettiń kadrlar rezervinde 146 adam, sonyń ishinde 68 áıel (46,5%) bar. Olardyń 50 %-y 30 jasqa deıingiler, joǵary bilimdiler – 85, memlekettik qyzmette bir jylǵa deıin ótili barlar – 55%.

Memlekettik qyzmet isteri jónindegi agenttik memlekettik qyzmetshilerdi, sonyń ishinde jastardy qaıta daıarlaýǵa jáne biliktilikterin arttyrýǵa zor kóńil bóledi. Oblysymyzda 1015 memlekettik qyzmetshi oqytyl­dy, sonyń ishinde 19-i – Qazaq­stan Respýblıkasynyń Prezı­denti janyndaǵy memlekettik basqarý akademııasynda, 793-i óńir­lik oqytý ortalyǵynda,  203-i – salalyq vedomstvolarda. Ige­rilgeni – 37,6 mıllıon teńge, mu­nyń ózi bólingen bıýdjet qara­jatynyń jyldyq kóleminiń 57,4 paıyzyn quraıdy.

Memlekettik qyzmetshilerdiń kásibıligi turǵyndarǵa ýaqtyly jáne sapaly memlekettik qyzmet kórsetýge saıady. Mine, sondyq­tan da “Ortalyq memlekettik jáne oblystardyń, respýb­lıka­lyq mańyzy bar qalanyń, astananyń jergilikti atqarýshy organdarynyń qyzmetiniń tıim­diligin jyl saıyn baǵalaý jú­ıesi týraly” Memleket basshy­synyń Jarlyǵyn oryndaý biz­diń agenttikke júktelgen. Soǵan sáıkes aýmaqtyq basqarma mem­lekettik organdardyń tur­ǵyn­darǵa sapaly, ýaqtyly qyz­met kórsetýin qadaǵalap otyrady.

2012 jyldyń birinshi jar­tyjyldyǵynda tártiptik keńes­tiń hatshylyǵy 154 tekseris júrgizip, 724 zańburmalaýshy­lyq­ty, sonyń ishinde memleket­tik qyzmet týraly zańnamany buzýdyń – 686, jemqorlyqqa qarsy kúresetin zańnamany bur­malaýdyń 24 faktisin anyqtady. Tártiptik keńestiń 4 májilisinde 50 basshy men laýazymdy adam tyńdalyp, 28 tártiptik is qaral­dy. Quqyq tártibin buzǵa­ny úshin 37 memlekettik qyzmetshi tár­tiptik jaýapkershilikke tartyldy. Tártiptik keńestiń búkil májilisteri jarııa túrde ótkizi­ledi, olarǵa jemqorlyqqa qarsy kúres jónindegi qoǵamdyq keńes­tiń jáne “Nur Otan” HDP ja­nyndaǵy partııalyq baqylaý komıssııasynyń tóraǵalary BAQ ókilderimen birge qatysady. Tár­tiptik keńes qoǵamdyq uıymdar­men qoıan-qoltyq jumys isteıdi. Memlekettik tártipti nyǵaıtý, memlekettik qyzmet týraly zań­namanyń, jemqorlyqqa qarsy zańnamanyń, Ar-namys kodeksi­niń talaptaryn saqtaý týraly aldyn alý jáne túsindirý jumy­sy udaıy júrgiziledi, sonyń ishinde oblys ortalyǵynda jáne aýdandarda semınarlar ótkizi­ledi. Azamattardy jeke qabyl­daý apta saıyn, sonyń ishinde olardy jergilikti jerde qabyl­daý júzege asyrylady. Basqar­manyń resmı web-saıty 3 tilde udaıy jańartylyp otyrylady. Bul baǵyttaǵy sanqyrly jumys jalǵasa beredi.

Prezıdentimiz Qazaqstan Táýel­sizdiginiń barlyq jyldarynda tereń taldaý, jan-jaqty qarastyrý, keleshekti kóre bilý negizinde el damýynyń strate­gııa­syn jasap keledi, munyń ózi eldiń ekonomıkalyq, saıası, má­denı jaǵynan oza damýyn qam­tamasyz etti. Prezıdenttiń “Qa­zaq­stannyń áleýmettik jańǵyr­tylýy: Jalpyǵa Ortaq Eńbek Qoǵamyna qaraı 20 qadam” maqalasynan týyndaıtyn jańa, barshamyzǵa jáne tutastaı hal­qymyzǵa aıryqsha mańyzdy mindetterdi oıdaǵydaı júzege asyrý qoǵamymyzdyń múldem jańa deńgeıge kóterilýine múm­kindik beredi. Bul – búkil qazaqstandyqtardy biriktiretin ulttyq ıdeıa.

Tilegen QASKIN,

Memlekettik qyzmet isteri jónindegi agenttiktiń Soltústik Qazaqstan oblysy boıynsha basqarmasynyń bastyǵy – tártiptik keńestiń tóraǵasy.

PETROPAVL.