Halyq folklory jáne mýzykasynyń qundy muralaryn zertteý maqsatynda elimizdiń túkpir túkpirine ekspedısııa júrgizilmek.
«Bizdiń aldymyzda tek osy jylda emes, osydan keıingi jyldarda da óńirlerge de onyń ishinde bizdiń shet aımaqtarda turatyn bizdiń qandastarymyzda da osy baǵyttaǵy ekspedısııa júrgizý oıymyzda bar. Onyń ishinde folklor ǵana emes mýzyka salasynda da arnaıy mamandar enetin quramda jasaqtalǵan ekspedısııa shyǵarý bizdiń josparda bar. Jáne olar júzege asyrylady. Búgingi kún erteńgi tarıh sol sebepti atqaryla beretin jumys óte kóp», - dedi QR Mádenıet jáne sport mınıstrligi mádenıet jáne óner isteri departamentiniń dırektory Ábil Jolamanov.
Aıta ketsek, Nursultan Nazarbaev «Uly dalanyń jeti qyry» maqalasynda folklorlyq dástúrdiń ortaq tarıhı negizderin izdeý úshin Qazaqstannyń túrli óńirleri men ózge elderge birneshe izdeý-zertteý ekspedısııalaryn uıymdastyrý qajet ekendigin aıtqan bolatyn.
