- Senbilikke Mańǵystaý oblysy Qazaqstan halqy Assambleıasynyń ókilderi, «Jańǵyrý joly» óńirlik shtabynyń, «Nur Otan» partııasy oblystyq fılıaly janyndaǵy «Jas Otan» jastar qanatynyń, «Belsendi uzaq ómir súrý ortalyǵynyń» jáne «E&W Mangystau» ókilderi qatysty. Aldaryna qalamen qatar tarıhı oryndardy da taza ustaý maqsatyn qoıǵan senbilikke qatysýshylar jastarǵa qorshaǵan ortany qorǵap, tarıhı eskertkishterdi qasterlep saqtaýǵa úıretedi, deıdi «Dostyq» úıiniń dırektory A.Jaıylhanova.
Aqtaý qalasynan 20 shaqyrym qashyqtyqta ornalasqan Qoshqar Ata qorymy -kóne dáýirdiń kýási. Derekter bul jerde budan on ǵasyr burynǵy qoıylymdar bar ekendigin aıtady.
Eńbek merekesi duǵa oqýmen bastaldy. Jınalǵandar dinine nemese ultyna bólińbesten, bir úıdin balasyndaı alaqandaryn jaıyp, zııarat etti. Senbilikke qatysqan aqsaqal - «Ýıgýry Aktaý» uıǵyr etnomádenı birlestiginiń tóraǵasy Ásımjan Álimjanov «osyndaı kórinister adamdy qýantyp, jigerlendiredi» dep, bul dostyq pen tatýlastyqtyn belgisi ekendigin aıtty.
- Meniń osy óńirde turǵanyma 42 jyl boldy, dedi «Sakartvelo» grýzın etnomádenı birlestiginiń tóraǵasy Avtandıl Gavashelıshvılı, -Mańǵystaý oblysy Qazaqstan halqy Assambleıasy uıymdastyrǵan barlyq is-sharalarǵa bizdiń etnomádenı birlestigimiz belsendi túrde atsalysady. Bárimizdi bir shańyraq astyna biriktiretin osyndaı uıym qurǵany úshin Elbasyna alǵys aıtamyz. Búgingi otyryzylǵan jas butaqtar bolashaqta úlken aǵash bolyp ósetini sózsiz. Bizben birge senbilikke jastardyń da kelgeni kóńilge qýanysh uıalatyp tur.
- Elimizdiń tuńǵysh Prezıdenti N.Nazarbaevtyń «Rýhanı janǵyrý» baǵdarlamalyq maqalasynda halyqtyń mádenı murasy, sımvoldyq, qasıetti jáne mádenı-tarıhı zattar týraly taqyryp qozǵaldy. Jalpy alǵanda, bul mańyzdy ólketaný jumystary bastalǵanyn bildiredi. Mańǵystaý oblysynyń Qazaqstan halqy Assambleıasy uıymdastyrǵan aksııasy osy taqyryptyń kórinisi bolyp jáne ult Kóshbasshysynyń baǵdarlamalyq ıdeıalaryn iske asyratyn úlgi bolyp tabylady, dedi «Nur Otan» partııasynyń oblystyq fılıaly janyndaǵy «Jas Otan» jastar qanatynyń tóraǵasy Baǵdat Qýandyq.
Qoldaryna tyrma, sypyrtqy, kúrek alǵan belsendiler qystan qalǵan shóp, aǵash japyraqtaryn tyrmalap, jas kóshetter otyrǵyzdy. Sonymen qatar temir qorshaýlar syrlanyp, aǵash túpteri ákteldi. Árıne, turyp jatqan qalamyzdy, babakúldik jerimizdi taza ustaý úshin mundaı sharalardyń jıi uıymdastyrylýy mańyzdy. Senbilikke bir kisideı uıymdasa qatysqan ár ulttyń ókilderi barsha adam qorshaǵan ortaǵa janashyrlyqpen qarasa eken degen tilekterin aıtyp jatty.
