Festıvaldyń basty maqsaty - jastardyń mádenı, rýhanı damýyna, shyǵarmashylyq ósýine yqpal etý, jastar arasynda salaýatty ómir saltyn nasıhattaý, joǵary oqý oryndarynyń arasynda baılanysty nyǵaıtý.
-Osy jyly Yessenov Fest óz aýqymyn úlkeıte tústi. Festıvalǵa Yessenov University stýdentteri ǵana emes, respýblıkamyzdyń túkpir-túkpirinen jınalǵan jastar úlken sharada bas qosyp, saıystarda baq synaıdy. Festıval barysynda basketbol, jaǵajaı voleıboly, 3x3 fýtbol, qazaqsha kúres, workout, júgirý marafony sııaqty sport túrleri, jáne de óner baıqaýlary ótkiziledi, deıdi oqý ornynyń tárbıe jónindegi prorektory G.Joldasbaeva.
Sporttyq saıystardyń basym bóligi 19 sáýir kúni 7-sh/a DOMA DOMA Streetcourt alańynda ótse, 20 sáýir kúni 32-sh/a bastap 15-sh/a jaǵajaıǵa deıin uldarǵa 10 shaqyrym jáne qyzdarǵa 5 shaqyrymdyq marafon uıymdastyrylady. Festıval qorytyndysynda sporttyq jáne shyǵarmashylyq baıqaýlardyń jeńimpazdaryna baǵaly syılyqtar men sertıfıkattar tabystalady.
Sondaı-aq, 20 sáýir kúni 15 sh/a «Vıktorııa» qonaq úıine qarama-qarsy jaǵajaı alańynda respýblıkalyq deńgeıde zamanaýı bı saıysy, Qazaqstan estrada juldyzdarynyń qatysýymen qorytyndy gala-konsert ótkiziledi.
Festıval aıasynda ár túrli sport túrlerinen bólek osy jyly «Jas kásipkerler» baıqaýy, Yessenov pán olımpıadasy jáne Respýblıkalyq debat týrnıri ótkiziledi. Osy úsh baıqaýdyń jeńimpazdaryna Yessenov University-de oqýǵa arnaıy granttar men jeńildikter qarastyrylǵan.
