Aımaqtar • 20 Sáýir, 2019

«Batys» О́Q ofıseri «Atyrau Marathon-2019» marafonynda jeńimpazy atandy

1160 ret

kórsetildi

1 mın

oqý úshin

«Jastar jyly» aıasynda uıymdastyrylǵan «Atyrau Marathon - 2019» qaıyrymdylyq marafon jarysyna 50-den astam áskerı qyzmetshi qatysyp, tórteýi júldeli oryn ıelendi. Bul týraly «Batys» óńirlik qolbasshylyǵynyń baspasóz qyzmeti habarlady.

Gúlaıym DÁÝITBAI

«Batys» О́Q ofıseri «Atyrau Marathon-2019» marafonynda jeńimpazy atandy

- Bıylǵy jyly júgirý eń jappaı boldy jáne Qazaqstannyń barlyq óńirleri men shetelden úsh myńǵa jýyq qatysýshynyń basyn qosty. Qatysýshylarǵa 42, 21, 10, 3 jáne 1,2 shaqyrymdy júgirip ótýge týra keldi, deıdi «Batys» óńirlik qolbasshylyǵynyń baspasóz qyzmetinen kapıtan Rýstem Igısınov.

3 shaqyrym qashyqtyqta «Batys» óńirlik qolbasshylyǵy áskerleri qolbasshysy basqarmasynyń ofıseri podpolkovnık Taılan Ahmetov jeńimpaz atandy. Júldegerler úshtigine Atyraý garnızony áskerı polısııa bólimshesiniń áskerı qyzmetshisi aǵa serjant Amangeldi Imanov ilindi. Al eń aýyr 42 shaqyrymdyq dıstansııada 41433 áskerı bóliminiń áskerı qyzmetshileri 3 oryndy ıelendi. Aǵa leıtenant Sergeı Sadrıev 26-36 jas aralyǵynda 3 bolyp máre syzyǵyn kesse, aǵa serjant Jasulan Jumaǵulov 18-25 jas aralyǵda úshtikke kirdi. Barlyq qatysýshylar estelik medaldarǵa, aqshalaı júldeler men syılyqtarǵa ıe boldy.