- Barlyq tótenshe jaǵdaılar sýdaǵy qaýipsizdik talaptaryn saqtamaý saldarynan bolyp otyr. Sýda 10 adamnyń qaza bolýynyń negizgi sebepteri - jabdyqtalmaǵan sý aıdyndarynda shomylý, sýda qaýipsizdik erejesin buzý, sýǵa túsý kezinde óziniń júzý qarymyna qaramaý, ishimdik ishken kúıde sýǵa túsý, balalardyń sý mańynda eresek adamdardyń qaraýynsyz bolýy, balyq aýlaý kezinde erejeni buzý bolyp tabylady. О́tken jyly tirkelgen 10 oqıǵanyń 6-y Aqtaý qalasynda oryn alsa, «Kendirli» demalys bazasynda ekeý, Fort-Shevchenko kalasynda 2 jaǵdaı tirkeldi, deıdi R.Demeýbergen.
Jalpy óńirde jaǵalaý 1000 shaqyrymdy quraıdy. Kaspıı teńizi jaǵalaýynda jaz kezinde sýǵa túsýge arnalǵan 30 ýchaske bar. Onyń 20-sy Aqtaý qalasynda, 10-y «Kendirli» demalys bazasynda ornalasqan. Sondaı-aq, 3 jaǵajaı aımaǵy, 5 balalar lagerleri, 22 demalys bazasy bar.
Aldaǵy jaz mezgilderinde Aqtaý qalasyndaǵy 14 demalys bazasynyń 8-i jumys jasaıdy dep josparlanýda. 5 demalys bazasy jumys jasamaıdy, 1-eýinde jóndeý jumystary júrgizilýde.
Teńizde qaýipsizdikti qamtamasyz etý úshin Mańǵystaý oblysynyń Tótenshe jaǵdaılar departamenti Jedel qutqarý jasaǵynyń 4 qutqarý bólimshesi bar. Olar Aqtaý qalasy, «Kendirli» demalys bazasy, Túpqaraǵan aýdany jáne Quryq selolarynda ornalasqan.
