- Bul saıystyń maqsaty ádemi, kórikti, bilimdi qyzdardy anyqtaý emes, qazaq halqynyń tarıhyn, mádenıetin, tilin, «Rýhanı jańǵyrý» baǵdarlamasynda kórsetilgen mádenı qundylyqtardy tereń bilýge negizdelgen. Baıqaýda baq synaǵan arýlar ózin-ózi tanystyrý arqyly, sondaı-aq maqal-mátelderdi, óleńderdi mánerlep oqý arqyly oılaý, este saqtaý qabiletterin, qııalyn damytyp, qazaq tilin tereń meńgerýge, sol arqyly memlekettik tildiń qoldanys aıasynyń keńeıýine septigin tıgizetin bolady, dedi sharanyń ashylý saltanatynda sóz alǵan Mańǵystaý oblysy Qazaqstan halqy Assambleıa hatshylyǵynyń meńgerýshisi Gúljan Ismýrzına.
Baıqaýǵa ulttyq kıim kıgen ázirbaıjan, qyrǵyz, uıǵyr jáne ózbek ulttarynyń alty arýy qatysty. Olar sahnada qazaq tilinde óner kórsetip, qazaq tili men saltyn qanshalyqty biletindikterin kórsetýge tyrysty, ózderine qoıylǵan saýaldardyń mánin ashyp, qazaq halqynyń salt-dástúrleri týraly ángimelep berdi.
Birinshi orynǵa «Atameken» ánin oryndap, baıqaý talabynan
shyǵa bilgen ázirbaıjan qyzy Roksana Qurbanova ıe boldy.
Al, Ázirbaıjan etnomádenı birlestigin atynan shyqqan Aıda Sharıfova Abaı aqynnyń adamnyń
rýhanı, moraldyq, otbasylyq qundylyqtaryna, jas urpaqty tárbıeleýge
baǵyttalǵan qara sózderin mánerlep oqyp berip, ekinshi oryndy ıelendi.
О́ziniń talanty men qazaq tilin, salt-dástúrin bilý deńgeıi boıynsha ózbek qyzy Bazarbaeva
Nıýlıfarǵa úshinshi oryn berildi. Baıqaýdyń
jeńimpazdary men qatysýshylary Mańǵystaý oblysy Qazaqstan halqy Assambleıasynan
dıplomdar men baǵaly syılyqtarǵa ıe boldy.
