JAŃA BASShYLARDY TANYSTYRDY

Keshe Premer-Mınıstr Kárim Másimov Memleket basshysy N.Nazarbaevtyń Jarlyqtarymen qaıta qurylǵan mınıstrlikter ujymyna olardyń jańadan taǵaıyndalǵan basshylaryn tanystyrdy, dep habarlady Premer-Mınıstrdiń baspasóz qyzmeti. Úkimet basshysy qaıta qurýǵa baılanysty taratylǵan Indýstrııa jáne saýda mınıstrliginiń saýda salasyndaǵy fýnksııalary men ókilettikteriniń Ekonomıkalyq damý jáne saýda mınıstrliginiń quzy­ryna beriletindigin habarlady. Indýstrııalyq saıasatty júzege asy­rý úshin qajetti máselelerdiń bári keshiktirilmeı sheshilýge tıis dep atap ótti ol. Sondaı-aq K.Má­si­mov Premer-Mınıstrdiń oryn­ba­sary –  Indýstrııa jáne jańa teh­nologııalar mınıstri Áset Ise­ke­shevke barlyq uıymdastyrý máse­lelerin qysqa merzimde retke keltirýdi tapsyrdy. Munaı jáne gaz mınıstri Saýat Myńbaevty tanystyra oty­ryp, K.Másimov Memleket basshy­sy­nyń eldiń negizgi baılyqta­ry­nyń biri – munaı men gazǵa qa­tysty naqty mindetter qoıǵanyn atap kórsetti. Munaı-gaz sektoryn damytý saıasatyn júrgizý bary­syn­da kómirsýtegi salasyndaǵy joba­larda memlekettik múddelerdiń saq­talýyn qamtamasyz etý qajet­tigine nazar aýdardy. Prezıdent tapsyrmalaryn júzege asyrý úshin mınıstrlikke qajetti ókilettikter berilgen. Sol sııaqty Premer-Mınıstr Ekonomıkalyq damý jáne saýda mı­nıstrligi ujymyna onyń jańa basshysy Janar Aıtjanovany ta­nys­tyrdy. Ol mınıstrdiń aldyna ekonomıka salasyndaǵy strate­gııa­lyq josparlaýda, Keden odaǵy qyzmetin eskere otyryp, ishki jáne syrtqy saýdany damytýda, sondaı-aq BSU-ǵa ótýde naqty mindetter qoıdy. Premer-Mınıstr qaıta qu­rylǵan Mádenıet mınıstrliginiń basshysy Muhtar Qul-Muham­med­ke azamattardyń dinı erkindigin jáne dinı birlestiktermen qarym-qaty­nastaryn qamtamasyz etý jónindegi fýnksııalardyń Ádilet mınıstr­liginen Mádenıet mı­nıs­tr­­ligine aýysýyna baılanysty, sol sııaqty memlekettik tildi da­mytý jóninen ókilettikter beri­lýi­ne baılanysty birqatar tapsyr­malar berdi. Aqparattandyrý jáne baıla­nys agenttigi bazasynda qurylǵan Baı­lanys jáne aqparat mınıstr­li­giniń jańa basshysy Asqar Ju­ma­ǵalıevti tanystyra otyryp, Pre­mer-Mı­nıstr aqparattar, aq­parattandyrý salalaryndaǵy ret­teý­lerge, jańa aqparattyq tehno­lo­gııalardy, sondaı-aq sandyq jáne spýtnıktik habar taratýdy engizýge qatysty  naqty mindetter júktedi.