- Tashkenttegi Azııa birinshiligi aldynda «Túrkııa týryna» qatystyq. Bul qurlyq chempıonaty qarsańyndaǵy keremet jarystardyń biri. Tek kúnniń sýyqtyǵynan jigitter azdap syrqattanyp qaldy. Natarovyń qulaǵany bar. Dese de, joǵary nátıje kórsetý úshin barymyzdy salamyz.
- Azııa chempıonatynda Qazaqstan atynan kimder baq synaıdy?
- Sary qurlyq básekesine qatysatyn quram tolyǵymen anyqtaldy. Komandalyq jarysta Dmıtrıı Grýzdev, Danııl Fomınyh, Iýrıı Natarov, Jandos Bıjigitov pen Evgenıı Gıdıchke senim artamyz.
Jekeleı synda tájirıbeli Dmıtrıı Grýzdev júldege talasady. Al toptyq synda Evgenıı Gıdıch, Danııl Fomınyh, Jandos Bıjigitov pen Dmıtrıı Grýzdevter qurlyq myqtylarymen jarysady.
- Veloshabandozdar aldynda qandaı maqsat qoıylyp otyr?
- Ázirge, komandalyq jáne jekeleı synda eki medal alýdy kózdep otyrmyz. Al toptyq synda kóp nárse sáttilikke baılanysty. Burynǵy sportshy retinde toptyq synda kútpegen jaǵdaılar oryn alatynyn jaqsy bilemin.
- Sportshylar synǵa túsetin tas jol týraly ne aıtasyz?
- Jarysqa komandany jasaqtaý barysynda tas joldyń erekshelikteri týraly biraz aqparat aldyq. Komandalyq jáne jekeleı syn tegis jolda ótpekshi. Al toptyq jarysta jigitterdi qıyn jol kútip tur. Iаǵnı, taýǵa shyǵamyz. Bizde taýly kezeńde jaqsy júretin Alekseı Lýsenko men Andreı Zeıs esimdi sportshylar bar. Biraz olar qurlyq dodasyna qatyspaıdy. Dese de, úmit úzbeımiz. Sportshylar 167 shaqyrym bitkenshe toptyń aldyna túsip, kúshterin únemdeýi tıis. Bizdiń basty maqsat – jarys kezinde jaraqat alyp, qulap qalmaı, márege jaqyn tusta alǵa shyǵyp, jel kedergi keltirgen jaǵdaıda ara qashyqtyqty biraz uzartyp alý.
- Alekseı Lýsenko qurlyq dodasynan nege tys qaldy?
- Jospar boıynsha, Alekseı kóktemde ótetin klassıkalyq jarystarǵa qatysady. Degenmen, Lýsenko qatarymyzda joq bolsa da, jigitter joǵary nátıje kórsetedi dep senemin.
