«Halyqaralyq «Janashyr» qoǵamdyq qory QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty negizinde «Biryńǵaı ortaq qundylyqtardy qalyptastyrý, sondaı-aq Qazaqstan etnostary arasynda «Rýhanı jańǵyrý» baǵdarlamasyn ilgeriletý» taqyrybyndaǵy jobany júzege asyryp otyr.
Jańadan jasaqtalǵan aqparattyq-nasıhattyq top músheleri turaqty túrde jumys istep, mektepter men kolledjderde, JOO-darda, etno-mádenı ortalyqtar men jastar uıymdarynda aqparattyq-nasıhat jumystaryn júrgizip, túrli sharalar uıymdastyryp, leksııalar oqıtyn bolady», deıdi uıym basshysy Jańyl Ápetova.
Almaty qalasy QHA músheleri – Grek mádenı ortalyǵynyń tóraǵasy Georgıı Iordanıdı, Almaty qalasy QHA tóraǵasynyń orynbasary, Osetın mádenı ortalyǵynyń basshysy Kazbek Mamsýrov, Qazaqstannyń eńbek sińirgen qaıratker Asyly Osman, QR eńbek sińirgen óner qaıratkeri Saýyq Jaqanova, Almaty qalasy Qoǵamdyq keńesiniń músheleri Qusman Shalabaev, Maıra Saǵymbekova, QR ekonomıkalyq qoǵamdastyqtarynyń jáne basqa da nysandaǵy kooperatıvterdiń ulttyq qaýymdastyǵy» ZTB prezıdenti Qazbek Shaıyh, «Halıfa Altaı» qorynyń tóraǵasy Qabden Altaıuly, «Báıterek» jastar ortalyǵynyń jetekshisi Meıirgúl Qazybaeva, Servıstik qyzmet kórsetý kolledji jastar uıymynyń jetekshisi Tursyn Bekjan «Rýhanı jańǵyrý» baǵdarlamasyn ilgeriletý jónindegi pikirleri men usynystaryn ortaǵa saldy. Otyrys nátıjesinde aqparattyq-nasıhattyq top qurylyp, quramy bekitildi.
Top quramyna ÚEU men saraptamalyq qaýymdastyq ókilderi, etno-mádenı ortalyqtardyń kóshbasshylary, mádenıet, ádebıet jáne óner qaıratkerleri, tarıhshylar men etnograftar toptastyryldy.
Otyrysty «EDTECH-KZ» Halyqaralyq bilim ortalyǵynyń bas dırektory, Qazaq psıhologııalyq qoǵamynyń vıse-prezıdenti Ǵanı Beısembaev júrgizdi.
