AО́K salasynda jobalyq menedjmentti engizý jáne aýyl sharýashylyǵy taýar óndirýshilerin sıfrlandyrý tehnologııalarymen egjeı-tegjeıli tanystyrý maqsatynda búgin Soltústik Qazaqstan oblysynyń aýyl sharýashylyǵy taýar óndirýshileri úshin "E-AО́K iskerlik oıyny"formatynda oqytý semınary ótti.
Oıynǵa shamamen 150 adam qatysty. Bul oblystyń aýyl sharýashylyǵy óndirýshileri, aýdan ákimderiniń orynbasarlary, qarjy ınstıtýttarynyń ókilderi, agrarlyq sala prosesterin avtomattandyrýǵa arnalǵan jabdyqtardyń iri jetkizýshileri jáne t.b.
Iskerlik oıyndardy ótkizýdiń basty maqsaty AShTО́ sanasyn "sandyq oılaý" jaǵyna ózgertý jáne oıyn barysynda sandyq fermany qurýdyń jol kartasyn ázirleý boldy.
Klassıkalyq aqparattyq semınarlar men dóńgelek ústelderden ózgeshe jańa format jaǵdaıdy ekonomıkalyq úlgileý prosesine agrarıılerdiń jandy qatysýyn kózdeıdi. Sarapshylar agrarııalarǵa ınnovasııalyq tehnologııalardyń erekshelikterin, olardy engizý tártibin egjeı-tegjeıli túsindirdi. Barlyq komandalarǵa birdeı sharttar men fermanyń múmkindikteri týraly bastapqy málimetter usynyldy.
Aýyl sharýashylyǵy taýarlaryn óndirýshiler birneshe komandaǵa bólindi,olarǵa jetildirilgen sandyq fermany qurý strategııasyn-jeke josparlar ázirleý jáne prosesterdi qarjylyq jáne tehnologııalyq úlgileý, prosesterdi ońtaılandyrý boıynsha sheshimder ázirleý usynyldy.
Oıyn barysynda agrarııler sıfrlandyrý tehnologııalarynyń tez ótelimdiligine kóz jetkizip, sarapshylardyń kómegimen Damýdyń jol kartasyn ázirledi.
Oıynǵa jabdyq jetkizýshileriniń qatysýy modeldengen sharttardy naryqtyń shynaıylyǵyna barynsha jaqyndatty jáne komandalarǵa jeke tańdalǵan tehnologııalardyń quramyn qalyptastyrýǵa kómektesti.
Oıyn qorytyndysy boıynsha eń úzdik joba tańdaldy. Jeńimpazdarǵa jabdyqtar men aqparattyq júıelerdi satyp alý úshin 500 000 teńgege jeńildik berildi.
