Kadrlyq qamtamasyz etý dırektorynyń mindetin atqarýshy general-maıor Salem Shahın Alnýaımı bastaǵan Abý-Dabı qalasy polısııasynyń delegasııasy QR Ulttyq ulanynyń qoǵamdyq tártip pen qaýipsizdikti qamtamasyz etý máselesi, sondaı-aq, vedomstva jumysynyń basqa da baǵyttary boıynsha tájirıbe almasý úshin Nur-Sultan qalasyna keldi.
Ulttyq ulan Bas qolbasshysylyǵynda delegasııany QR Ulttyq ulanynyń Bas qolbasshysy general-leıtenant Rýslan Jaqsylyqov qarsy aldy. Artynsha eki taraptyń qatysýymen brıfıng ótti.
Rýslan Jaqsylyqov brıfıng barysynda kelgen qonaqtarǵa Ulttyq ulannyń qurylý men qalyptasý tarıhy, qurylymy men negizgi tapsyrmalary áńgimelep berdi. Sonymen qatar, basqa da saýaldarǵa jaýap berdi.
Delegasııa basshysy general-maıor Salem Shahın Alnýaımı, Qazaqstannnyń quqyqtyq tártip áskerine júktelgen mindet BAÁ polısııasynyń mindetterimen salystyrǵanda anaǵurlym keń ekenin tilge tıek etti. Sondaı-aq, qonaqtar Ulttyq ulannnyń álemdegi toǵyzynshy oryndaǵy memlekette ishki tártip pen qaýipsizdikti qalaı qamtamasyz etetini týraly surady.
- Bizdiń kásibı daıarlyq deńgeıimiz bul mindetterdi ózimizge qamtaamsyz etýge múmkindik beredi. Ishki ister organdarymen birlese biz elimizdiń 19 qalasynda qoǵamdyq tártip pen qaýipsizdikti qamtamasyz etemiz. Basqa memleketterdiń tájirıbesine de júginemiz. О́zge elderdiń zańnamalaryn zertteımiz. Ulttyq ulan kóptegen osyndaı qurylymdarmen yqpaldastyq júrgizedi. Bizde Túrkııanyń áskerı-oqý oryndarynda áskerı kadrlardy oqytý jáne daıyndaý salasy boıynsha Túrkııa Jandarmerııasymen baýyrmaldyq qarym-qatynas ornatylǵan. Qoǵamdyq qaýipsizdik máselesi boıynsha Reseı Federasııasy Federaldy qyzmeti Ulttyq ulan áskeri, Ázirbaıjan IIM Ishki áskerleri, AQSh Qarýly kúshterimen yntymaqtastyq belsendi túrde jalǵasyp keledi. Biz el ishindegi turaqtylyqty saqtaý máselesinde tájirıbe almasýǵa ár kezde daıynbyz, - dep atap ótti general-leıtenant Rýslan Jaqsylyqov
Budan bólek ol, Ulttyq ulan Tájikstan men Qyrǵyz Respýblıkalary úshin áskerı kadrlardy daıyndaıtynyn sóz etti. Brıfıng sońynda Rýslan Jaqsylyqov QR Ulttyq ulany men Abý-Dabı qalasy polısııasynyń arasyndaǵy qyzmettik-jaýyngerlik máseleler boıynsha halyqaralyq yntymaqtastyq pen ózara yqpaldastyqqa qosqan úlesi úshin delegasııa múshelerine estelik belgiler tabys etti.
Sodan keıin, meımandar Bas qolbasshylyqtyń áskermen basqarý Ortalyǵyn aralap, onyń jedel aqparatty óńdeý men jınaýdaǵy tehnıkalyq múmkinshilikterimen, sondaı-aq, zamanaýı basqarý júıesimen tanysty.
Keıinde, Ulttyq ulan Bas qolbasshylyǵyngyń aýmaǵyndaǵy «Dostyq alleıasynda » dástúrli aǵash otyrǵyzý rásimi ótti. Tústen keıin arabtyq delegasııa elordalyq 5573 áskerı bóliminde bolyp, kınologııa ortalyǵy, áskerı qarý-jaraq, tehnıka kórmesin tamashalady. Qonaqtar brıgadanyń tynys-tirshiligimen jáne basqa da nysandarmen tanysty.
23-24 sáýirde delegasııa «Ońtústik» óńirlik qolbasshylyǵynyń jáne Ulttyq ulan arnaıy otrıadtarynyń jaýyngerlik jáne ádistemelik daıyndyq Ortalyǵynyń qyzmetimen tanysady.
