2019 jyldyń 21 sáýirinde Buqar jyraý aýdanyna qarasty Úshtóbe aýylynan 4 shaqyrym jerdegi «Balapan» «Avıasııalyq oqý-jattyǵý ortalyǵy» JShS-niń qoný alańynda 2013 jyly shyqqan FK-14 V2«Polaris» ushaǵy qulady.
Atalǵan fakt boıynsha sotqa deıingi tergeý jumystary bastaldy. Ol sotqa deıingi tergeý biryńǵaı reestrine tirkelgen.
Oqý ortalyǵyna tıesili jeńil motorly eki oryndyq ushaǵy oqý-jattyǵý kezinde qulaǵany anyqtaldy.
Ushaq apatqa ushyraǵan kezde borttaǵy 2 adam oqıǵa ornynda qaza tapty. Atap aıtqanda, ushqysh-nusqaýshy - Artemov Iýrıı Anatolevıch, 31.03.1967 jyly týǵan jáne osy oqý ortalyǵynyń 2018 jyldyń mamyr aıynan bastap tyńdaýshysy bolǵan (ushqysh) Áýkeshev Mereke О́mirbekuly. Ol 08.03.1990 j. týǵan.
Ekıpaj quramy Nur-Sultan ýaqyty boıynsha saǵat 16:11-de kezekti jattyǵýdy oryndaý maqsatynda áýege kóterilgen. Saǵat 16:20-da ushaq shuǵyl tómen quldılaǵan. Dıspetcher áýe kemesimen baılanysty joǵaltty.
Avarııalyq-qutqarý qyzmeti jyldam daıyndalyp, áýe kemesi qulaıtyn jerge jedel jiberildi.
Búgingi kúnge deıin kýrsant M.O.Aýkeshev 30 saǵatqa jýyq ushqan. Oǵan ınstrýktor Iý.A.Artemov bekitilgen. M.O.Aýkeshev oqý-jattyǵý sabaqtaryn FK-14 V2 «Polaris» ushaqtarymen oryndaǵan.
21.04.2019 jyly M.O. Aýkeshev ushqan FK-14 V2 «Polaris» 2013 jyly Polsha Respýblıkasynyń zaýytynan alynǵan. Jalpy, ushaq 1100 saǵat ushqan. Ushaq ushar aldynda tolyq tekserýden ótken jáne eshqandaı aqaý bolmaǵan.
Qazirgi ýaqytta barlyq qajetti jedel-tergeý áreketteri júrgizilýde.
