Erler arasyndaǵy básekede osyǵan deıin Temirtas Júsipov (49 kılo), Sanatáli Tóltaev (64 kılo) jáne Bek Nurmaǵanbettiń (81 kılo) jartylaı fınalǵa joldama alǵany jaıynda jazǵan edik. Keshe sol jeńisti joldy taǵy úsh órenimiz jalǵastyrdy. Ásirese, biz Tursynbaı Qulahmetke erekshe rıza boldyq. 75 kılo salmaqtyń myqtysy Ábilhan Amanquldyń jaraqat alýyna baılanysty ol Bangkokqa baratyndardyń tizimine eń sońǵy sátte ǵana qosylǵan edi. Soǵan qaramastan qandasymyz naǵyz babynda ekenin baıqatty. Shırek fınalda Tursynbaı Azııa oıyndarynyń jeńimpazy, qurlyq chempıony, ózbekstandyq kásipqoı boksshy Ismaıl Madrımovty kúmánsiz utty. Sondaı-aq, Zákir Safıýllın (60 kılo) qytaılyq Szıýn Shanǵa shań qaptyrsa, Vasılıı Levıt (91 kılo) ıraktyq Saadı Mohammed Rabeadan basym tústi.
Keshegi kúnniń keshki baǵdarlamasynda Aslanbek Shymbergenov (69 kılo) О́zbekstannyń ókili Bobo-Ýsmon Batýrovpen kúsh synassa, Qamshybek Qońqabaev (+91 kılo) Iordanııanyń oǵlany Odaı Alhıvdavımen aıqasty.
