Foto: Ashyq derekkóz
Is 1996 jylǵy 24 aqpanda bolǵan oqıǵaǵa qatysty qozǵalǵan. Sol kezde Kýba áskerı ushaqtary AQSh-tyń gýmanıtarlyq uıymyna tıesili eki azamattyq ushaqty atyp túsirgen.
Tergeý málimetinshe, ushaqtar Ońtústik Florıdadan Kýba baǵytyna ushyp shyqqan. AQSh tarapynyń málimdeýinshe, Raýl Kastronyń buıryǵymen kýbalyq joıǵysh ushaqtar eskertýsiz beıbit maqsattaǵy Cessna ushaqtaryna áýe zymyrandaryn atqan. Oqıǵa saldarynan tórt AQSh azamaty qaza tapqan.
AQSh Ádilet mınıstrligi Raýl Kastro men taǵy úsh aıyptalýshyǵa ólim jazasy nemese ómir boıyna bas bostandyǵynan aıyrý jazasy taǵaıyndalýy múmkin ekenin málimdedi.
Sońǵy ýaqytta AQSh pen Kýba arasyndaǵy qarym-qatynas qaıta shıelenise tústi. AQSh prezıdenti Donald Tramp Kýbadaǵy qazirgi bılikti «jaýdyń áskerı kúshterine pana beretin memleket» dep atap, eldegi rejımdi ózgertý qajet ekenin aıtqan.
Al Kýba prezıdenti Mıgel Dıas-Kanel aral memleketi eshqandaı qaýip tóndirmeıtinin málimdep, Tramp saıasatyn «genosıdtik blokada» júrgizip otyr dep aıyptaǵan.
Qazirgi kezde Kýbada energetıkalyq daǵdarysqa baılanysty narazylyqtar jalǵasyp jatyr. Sarapshylar jaǵdaıdyń ýshyǵýyna AQSh sanksııalary men otyn tapshylyǵy áser etkenin aıtady.
