Qala ákimi B.Sultanov Nursultan Nazarbaevqa elordany odan ári damytý jáne qala qurylysyn júrgizý jospary jóninde málimet berdi. Elbasy turǵyndar úshin qolaıly jaǵdaılar jasaýdyń jáne áleýmettik ınfraqurylymnyń qol jetimdiligin qamtamasyz etýdiń mańyzdylyǵyn atap ótti.
Sonymen qatar, Qazaqstannyń Tuńǵysh Prezıdenti elordany odan ári damytý isin álemdik tájirıbeni jáne qala qurylysyndaǵy zamanaýı trendterdi eskere otyryp, jalǵastyrý qajettigin aıtty. Nursultan Nazarbaev elordany gazben qamtý jáne qala kóshelerin kógaldandyra túsý úderisine erekshe toqtaldy.
Sondaı-aq, qala kóshelerindegi kólik júktemelerin tómendetý, jaıaý júrginshilerdiń qaýipsizdigi, ekologııalyq problemalardy sheshý jáne Botanıkalyq saıabaqty damytý máselelerine basa mán berildi.
