Al odan keıin biz jańa prezıdentti saılaý kúnin belgiledik. Osynyń bári kezeń-kezeńmen, órkenıetti jolmen ótkizilip keledi. Nur Otan partııasynyń búgingi sezinde saıası uıym óziniń laıyqty kandıdatyn usynyp otyr. Partııa Tóraǵasy, Elbasy Nursultan Nazarbaev ol kandıdattyń esimin atady. Sonymen birge onyń búgingi tańdaǵy Memleket basshysy bolýǵa birden-bir laıyqty tulǵa ekeni aıtyldy. Barlyq qyzmetimen, is-áreketterimen Qasym-Jomart Kemeluly Toqaev Qazaqstannyń irgesi bútin, tórt aıaǵyn teń basqan bedeldi, bolashaǵy kemel memleket bolýy jolynda aıanbaı, bilgirlikpen eńbek etip keledi. Ony Qazaqstan halqy dúnıejúzilik arenadaǵy tanymal saıasatker retinde de jaqsy biledi.
Qýanysh SULTANOV,
Memleket jáne qoǵam qaıratkeri, Májilis depýtaty:
