8 ben 12 jas aralyǵyndaǵy jas órender arasynda talanttylardy anyqtaý maqsatymen uıymdastyrylǵan kastıng buǵan deıin on óńirde márege jetip, eń úzdikteri aqtyq saıysqa joldama alypty. «Qatań talaptan irkilmeı ótken baldyrǵandar sýper fınalda óner kórsetedi. Odan baǵy janǵany mýzykalyq oqý ornyna arnalǵan bilim grantymen qosa Dısneılend ertegiler eline saıahat jasaý baqytyna ıe bolady», deıdi baıqaýdyń menedjeri Tolǵanaı Hasen.
Qazylar alqasynyń músheleri baǵyn synaýǵa kelgen jas balǵyndarǵa kastıngtiń erejeleri men sharttaryn túsindirgennen keıin talapkerler úsh tilde áýelete án shyrqap, án aıtý sheberlikterin, qarym-qabyletterin kórsetýge umtyldy.
Mádenıet jáne sport mınıstrligi jáne Qazaqstan Respýblıkasynyń Birinshi Prezıdenti-Elbasy qorynyń qoldaýymen «Jandaný álemi» qory uıymdastyrǵan óńirlik án baıqaýy jas talanttardyń shyǵarmashylyq qabylet-qarymyn tanytýǵa jan-jaqty múmkindikter berdi. Petropavl qalasyndaǵy № 2 mekteptiń oqýshysy Dana Báskenova irikteý kezeńiniń jeńimpazy bolyp tanyldy. Ol endi Almatyda ótetin aqtyq saıysta oblys namysyn qorǵaıtyn bolady.
Soltústik Qazaqstan oblysy
