«Samuryq-Qazyna» UÁQ» AQ Basqarma tóraǵasy Ahmetjan Esimov «Zamandas» otbasylyq aýla klýbynda boldy. Nur-Sultan qalasyndaǵy kópbalaly, tolyq emes jáne turmysy tómen otbasylardan shyqqan 1500-den astam bala aýla klýbtaryna qatysyp, qosymsha bilim alyp jatyr.
Is-sapar barysynda Ahmetjan Esimov úsh aýla klýbtarynyń birinde bolyp, joba qatysýshylarymen kezdesti. Qor basshysy jasóspirimderdiń mektepten tys sapaly damýy men tárbıe alýyna jaǵdaı jasaýdyń mańyzdylyǵyn atap ótti.
Otbasylyq aýla klýbtary balalar men eresekterge aǵartýshylyq, psıhologııalyq qyzmet usyna otyryp, olardyń bos ýaqytyn qyzyqty ótkizýge jaǵdaı jasaıdy. Balalar men jasóspirimder úshin klýbta shahmat, til damytý, teatr óneri, art-terapııa, horeografııa, avıamodeldeý, karate, dombyra, bı, vokal, toǵyzqumalaq, robototehnıka, gıtara, gımnastıka sekildi úıirmeler men sport seksııalary tegin jumys isteıdi. Eresekterge arnalǵan «Baqytty otbasy» ata-analyq klýbynda psıhologııalyq konsýltasııalar, sondaı-aq ata-analar úshin balalarmen qarym-qatynas ornatý boıynsha semınarlar ótkiziledi.
Elordada barlyǵy 3 aýla klýby jumys isteıdi. «Samruk-Kazyna Trust» Áleýmettik jobalardy damytý qory «Samuryq-Qazyna» AQ kompanııalar tobynyń atynan bes jyl boıy aýla klýbtary boıynsha jobany júzege asyryp keledi. Aýla klýbtary ashylǵannan beri shamamen 5000 bala qatysqan. Mundaı aýla klýbtarynyń jelisin tek el astanasynda ǵana emes, basqa aımaqtarda da damytý josparlanyp otyr.
Aıta ketken jón, 2019 jyldyń basynan bastap «Samuryq-Qazyna» Ulttyq ál-aýqat qory «Jas Samuryq» jobasyn júzege asyryp keledi, oǵan Jastar jyly aıasynda qazaqstandyq jas urpaqqa qoldaý kórsetý boıynsha birqatar sharalar kiredi. Jobanyń mıssııasy - jastardy biriktirý, áleýmettik mańyzy bar is-sharalarǵa qatystyrý, shyǵarmashylyq áleýetti damytý, eńbek jáne jumysqa ornalasý salasyndaǵy jastar uıymdarynyń áleýmettenýi men jumys isteýi úshin jaǵdaı jasaý, sondaı-aq qazaqstandyqtardyń bolashaq urpaqtaryn qalyptastyrý men jan-jaqty damytýdyń áleýmettik-ekonomıkalyq jaǵdaıyn jaqsartý.
