Aımaqtar • 24 Sáýir, 2019

Qaraǵandy jastary Nur Otan partııasy usynǵan kandıdatqa qoldaý bildirdi

795 ret kórsetildi

Kenshiler astanasyndaǵy Qaraǵandy memlekettik tehnıkalyq ýnıversıtetinde «Elim úshin» atty jastar forýmy ótip, oǵan oblystyń barlyq joǵary oqý oryndary men kolledjderiniń stýdentteri, úkimettik emes jastar uıymdarynyń belsendileri, shyǵarmashyl jáne jumysshy jastar, sportshylar qatysty.

Forýmda «Qazaqmys» korporasııasynyń jas qyzmetkeri Aldııar Qazken sóz alyp, stýdent jastardy Nur Otan partııasynyń kezekten tys HIH sezinde Qazaqstan Respýblıkasy Prezıdentiniń saılaýyna usynylǵan kandıdatty qoldaýǵa shaqyrdy.

– Qaraǵandy oblysy elimizdiń ekonomıkalyq jáne saıası tiregi. Biz kenishterde, shahtalarda jáne karerlerde jumys isteıtin jerlesterimizdiń eńbek jetistikterin maqtan tutamyz. Osyndaı tolaıym tabystardyń  barlyǵyna árbir qazaqstandyqtyń adal eńbeginiń arqasynda qol jetkizildi. Men osy forýmda "Qazaqmys" korporasııasynyń jumysshy jastaryn tanystyrý abyroıyna ıe bolǵanymdy maqtan tutamyn. Biz Nur Otan partııasyn qoldaımyz. Tuńǵysh Prezıdent tańdaǵan úmitker Elbasynyń sara jolyn jalǵastyratynyna senimdimiz, – dedi ol.

Forým qatysýshylary Qazaqstanda óskeleń urpaqtyń jan-jaqty bilim alýyna jáne ózderi qalaǵan jumysqa ornalasýyna, álemniń jetekshi oqý ortalyqtarynda biliktilikterin arttyrýyna barlyq jaǵdaıdyń jasalǵanyn maqtanyshpen aıtty. Stýdent jastar aldaǵy bolatyn Prezıdenttiń kezekten tys saılaýy el ekonomıkasynyń damýyna jáne ishki kelisimdi nyǵaıtýǵa jańa serpin beretindigin atap ótti.

Jıyn barysynda sóz sóılegen QarMTÝ-dyń stýdenti Áýen Turǵymbaeva jastardy Prezıdent saılaýy syndy jaýapty saıası naýqanǵa bir kisideı qatysýǵa úndedi.

– Elbasy saıasatynyń arqasynda biz álemdik arenada erkin básekelese alatyn bedeldi memleket qurdyq. Jastardyń saılaýǵa qatysýy – olardyń azamattyq turǵyda jetilgendiginiń, áleýmettik jaýapkershilik pen patrıottyq sezimderiniń joǵary deńgeıde ekendiginiń birden-bir kórsetkishi. Biz saılaýǵa belsendi túrde qatysýymyz kerek, – dedi stýdent.

Kezinde Elbasynyń ózi bilim alǵan joǵary oqý ornynda ótken «Elim úshin» jastar forýmynyń jumysy oblystyń shyǵarmashylyq ujymdary men stýdentteriniń qatysýymen uıymdastyrylǵan konsertpen túıindeldi.


Qaraǵandy oblysy


Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar