Mańǵystaý oblysy Qazaqstan halqy Assambleıasy hatshylyǵynyń meńgerýshisi Gúljan Ismýrzına 2019 jyly 19 naýryzda Qazaqstannyń Tuńǵysh Prezıdenti Nursultan Nazarbaev ókilettigin toqtatqany jóninde jáne Konstıtýsııaǵa sáıkes, Memleket basshysynyń ókilettigi Senat spıkeri Qasym-Jomart Toqaevqa aýysqandyǵyna, aǵymdaǵy jyldyń 9 sáýirinde Qazaqstan prezıdenti Qasym-Jomart Toqaev memlekettik telearnalar arqyly bergen halyqqa úndeýi barysynda Qazaqstan Prezıdentiniń kezekten tys saılaýyn ótkizý týraly sheshim qabyldaǵandyǵyna jáne bul saılaý 9 maýsymda ótetindigin habarlaǵandyǵyna toqtaldy.
- «Nur Otan» partııasynyń kezekten tys sezinde Qazaqstannyń Tuńǵysh Prezıdenti, partııa Tóraǵasy Nursultan Nazarbaev partııa atynan Prezıdenttikke kandıdattyń esimin jarııalady, dedi ol.
- Ár memlekettiń ómirinde mańyzdy sheshim qabyldaý sáti keledi. Mine, memleketimizdiń astanasy – Nur-Sultan qalasynda bizdiń respýblıkamyzdyń tarıhyna enetin erekshe tarıhı májilis bolyp ótti. «Nur Otan» partııasynyń kezekten tys sezi ótti. Onda Qazaqstannyń Tuńǵysh Prezıdenti, partııa Tóraǵasy Nursultan Nazarbaev Qazaqstan Respýblıkasynyń Prezıdenti laýazymyna Qasym-Jomart Toqaevtyń kandıdatýrasyn usyndy. Birinshi Prezıdenttiń perspektıvalyq baǵdarlamalary men bastamalary sheńberinde memlekettiń strategııalyq damýyna yqpal etetin salmaqty jáne naqty sheshim qabyldandy. Barlyq Elbasynyń usynylǵan baǵdarlamalaryna QR Prezıdenttigine kandıdat tikeleı qatysqandyǵy óte mańyzdy. Qarapaıym sózben aıtqanda, qoıan qoltyq enbek etti. Bul qoıylǵan maqsattar men olardy iske asyrý jolyndaǵy sabaqtastyǵynyń negizi bolyp tabylady, dedi sóz alǵan «Shalom» evreı etnomádenı birlestiginiń tóraǵasy Iýrıı Kerjbaým.
Kásipker Irına Belıaeva El Prezıdentin saılaý azamattar úshin eń basty saıası prosess ekenin atap ótti, óıtkeni daýys berý arqasynda árbir sanaly adam óz eliniń bolashaǵyna óz úlesin tıgize alady. 25 jyldyq tájirıbesi bar kásipker retinde, ol úshin, bizdiń eldegi saıası turaqtylyq pen memlekettiń nyq ekonomıkasy mańyzdy bolyp tabylady. Sondyqtan, Elbasy usynǵan, Qasym-Jomart Toqaev kandıdatýrasy álemge belgili dıplomat jáne saıasatker bolyp tabylatyndyqtan, eń úzdik tandaý bolady.
- Elbasynyń usynysynyń arqasynda Qazaqstan Halyq Assambleıasy quryldy. Osy eki organda tolyq mindetterin atqaryp otyrǵany sózsiz. Elbasy usynǵan kandıdatýra tereń oılastyrylǵandyqtan eń laıyqty dep sanaımyn, dedi «Ehpaırýtıýn» armıan etnomádenı birlestiginiń tóraǵasy Aırapet Kýrdoglıan.
Basqa
spıkerler de «Nur Otan» partııasynyń HIH kezekten tys sezinde usynylǵan
Qasym-Jomart Toqaevtyń kandıdatýrasyn bir aýyzdan qoldady.
Kezdesý
sońynda Mańǵystaý oblysynyń etnomádenı birlestikteriniń Qazaqstan halqyna «Nur
Otan» partııasynyń HIH kezekten tys sezinde usynylǵan Qazaqstan Prezıdenttigine
kandıdatyn qoldaý týraly undeýin jarııalady.
