65 jasqa tolýyna oraı kórermenderge usynǵan bul kórmesinde Nıkolaı Votkal ózi aınalysatyn músin jáne sýret óneri boıynsha jasaǵan eńbekterin qoıypty. Ásirese, onyń qoladan, aǵashtan, plastıkten, gıpsten jasalǵan shaǵyn músinderi kórermenderin oıǵa tartty. Votkaldyń qolynan shyqqan músinderde beınelengen Krylov shyǵarmalarynyń keıipkerlerin kórermender birden baıqady. I.Krylov mysaldary qazaq ádebıetiniń tól shyǵarmasyndaı bolyp ketkendikten, qarǵa men túlkiniń beınesi ańǵaldyq pen qýlyq týraly aıta jóneletindeı áser beredi.
– Shaǵyn músinderdi birneshe taqyrypqa bóldim. Sonyń birin eńbek taqyrybyna arnadym. Keńes Odaǵy kezinde shyǵarmashylyqtan eńbek taqyryby talap etiletin. Keıinnen onyń ónerde solǵyn tartqany ras qoı? Men de osy eńbek taqyrybyn shaǵyn músinderde kórsetkim keldi, – deıdi Aleksandr Nıkolaevıch.
«Úshinshi bolasyń ba?», «Iske shyqty» nemese «Joǵalǵandar» sekildi jumystarynda músinshi adam janyn psıhologııalyq turǵydan asha túsýge umtylady. Bul ońaı jumys emes.
– Jalpy músin jasaý – aýyr jumys. Keıipkerdiń jan dúnıesindegi oıdy beıneleý qaıdan jeńil bolsyn. Qolamen jumys isteý tipti qıyn ári arzan da emes. Keıipkerimniń bári birdeı jaǵymdy bolmaýy da múmkin. Esesine naǵyz ómirdi shynaıy kórsetýge umtylamyn, – deıdi Aleksandr Nıkolaevıch.
QOSTANAI
