Bul mańyzdy basqosýǵa Túrkııa, Ázirbaıjan, Qyrǵyzstan, О́zbekstan, Vengrııa sııaqty 15-ten astam memleketten rektorlar, dıplomattar, halyqaralyq uıymdardyń ókilderi, ekspertter, ǵalymdar, stýdent jastar, qoǵam jáne mádenıet qaıratkerleri qatysty.
Aıta ketý kerek, Túrik ýnıversıtetteri odaǵynyń negizi Túrik Keńesi is-sharalary aıasynda 2013 jyly qalandy. Qazirgi tańda Ázirbaıjan, Qazaqstan, Qyrǵyzstan jáne Túrkııanyń jalpy sany 19 joǵary oqý orny atalmysh Odaqtyń múshesi bolyp tabylady.
Túrik keńesi Túrki ýnıversıtetteri odaǵynyń IV Bas assambleıasy májilisi Túrik Keńesiniń Bas tóraǵasy B.Amreev, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń О́kiletti Keńes tóraǵasy professor Mýsa Iyldyz jáne ýnıversıtet rektory professor Bolatbek Abdrasılovtyń quttyqtaý sózinen keıin óz jumysyn bastady.
Májilis barysynda, Túrik Keńesi Túrik ýnıversıtetteri odaǵy sheńberinde jalpy túriktik bilim jáne ǵylymnyń biryńǵaı jelilik keńistigin qalyptastyrý, «Rýhanı jańǵyrý», «Uly dalanyń jeti qyry» sııaqty jalpy túriktik rýhanı qundylyqtarǵa negizdelgen bilim berý baǵdarlamalarynyń úılesimdigin qamtamasyz etý, sondaı aq, «Túrkistan prosesi» dep atalatyn joǵary bilim týraly dıplomdardy ózara tanýdyń ońtaılandyrylǵan mehanızmderin engizý týraly ınnovasııalyq joba máseleleri talqylanady. Sonymen qatar pılottyq joba bolyp kelgen «Orhýn» akademııalyq utqyrlyq baǵdarlamasynyń keń kólemdi utqyrlyq baǵdarlamasyna aınaldyrý jóninde naqty usynystar engizildi.
Jıynda sóz alǵan Túrki keńesi Bas hatshysy B. Ámreev «Túgel túrki jurtynyń rýhanı ortalyǵy, tórt qaqpaly Túrkistan qalasynda ótkizilip jatqan bul bastamalar múshe memleketter men barlyq túrki halyqtar úshin oń nátıjeler beredi dep oılaımyn. Túrki keńesi Túrki ýnıversıtetter odaǵynyń tórtinshi bas assambleıasy barysynda elderimiz úshin ońdy sheshimderge qol jetkizemiz dep úmittenemin» dedi.
Májiliske qatysýshylar tarapynan «ulttyq shekaralarsyz sapany baqylaý» úlgisinde (álemdik akkredıtasııalaý agenttikteriniń mysalynda) joǵary bilim berý sapasyn qamtamasyz etý jónindegi jalpytúrkilik akkredıtasııalaý agenttigin qurý usynysy qoldaý tapty.
Sondaı-aq ýnıversıtet rektory B.Abdrasılov «Bilim berý qyzmetteriniń sapa júıesin jaqsartý maqsatynda, keleshekte dúnıejúzilik trendterge sáıkes oqý úderisterin standarttaýǵa kepildik bola alatyn, joǵary oqý oryndarymyzdyń bedeliniń kúsheıýine septigin tıgizetin jalpytúriktik bilim keńistigine qyzmet etetin táýelsiz akkredıtteý agenttigin qurý kerek dep esepteımin», - dep atap ótti.
Assambleıa otyrysynda sóz sóılegen halyqaralyq Elsevier kompanııasynyń Ortalyq Azııa jáne Ázirbaıjandaǵy aımaqtyq basshysy A. Ospanova jáne Túrkııa Respýblıkasy boıynsha ókili Aıhan Sarajoǵly oqý jáne ǵylymı jumystardyń sapasyn jaqsartý boıynsha JOO jáne memleketterdiń atqaryp otyrǵan áreketterin birlestirý arqyly Túrki áleminiń ýnıversıtetteriniń reıtıng dárejesin kóterý múmkindigi jáne osy baǵytta kompanııa tarapynan JOO áleýetin arttyrýǵa baǵyttalǵan qajetti qyzmetterdi kórsetýge daıyn ekenderin atap ótti.
IV Bas assambleıa májilisinde Túrkııanyń Kapadokııa ýnıversıtetiniń, Túrkııanyń Nıgde О́mer Halısdemır ýnıversıtetiniń, Túrkııanyń Gazı ýnıversıtetiniń, Ázirbaıjan memlekettik ekonomıka ýnıversıtetiniń jáne Vengrııanyń Segde ýnıversıtetiniń Túrki ýnıversıtetter odaǵyna músheligi resmı túrde bekitildi.
Bıylǵy jyly Qoja Ahmet Iаsaýı atyndaǵy Halyqaralyq qazaq túrik ýnıversıteti Túrik ýnıversıtetteri odaǵynyń kezeń tóraǵasy bolyp tabylady. Bas assambleıa is sharalary aıasynda Túrkistan oblysy ákimdigi men Qoja Ahmet Iаsaýı atyndaǵy qazaq-túrik ýnıversıtetiniń uıymdastyrýymen keshe saltanatty ashylýy bolǵan Túrik Keńesi Jas kóshbasshylarynyń II Forýmy jáne Qazaqstanda jastar jylynyń jarııalanýyna baılanysty Túrki áleminiń mádenıet jáne óner festıvali joǵary dárejede ótti. Eki kún boıy qazaqtyń tól óneri – aıtys pen Túrki halyqtary jastarynyń mádenıet jáne óner festıvali túrkistandyqtardyń qulaq quryshyn qandyrdy.
Bul is sharalardyń barlyǵy Túrik áleminiń altyn besigi - tarıhı Túrkistan qalasynda ótip jatqany erekshe nazar aýdaratyn jaǵdaı. Qazirgi tańda Túrkistan kún ótken saıyn álemdik arenada ınnovasııalyq, tehnologııalyq, halyqaralyq, mádenı jáne rýhanı baılanystardy birlestiretin bilim men ǵylymdy ushtastyratyn hab retinde alǵa umtylýda.
