«Qazaqstan temir joly» UK» AQ Basqarma Tóraǵasy Saýat Myńbaev Qytaı Halyq Respýblıkasyna jasaǵan sapary kezinde iri kólik-logıstıkalyq kompanııalar men birqatar provınsııa, qala basshylarymen júkter tasymalyn arttyrý úshin yńtymaqtastyqty keńeıtý múmkindigin talqylady.
Atap aıtqanda, Sıan qalasy meriniń orynbasary Gao Gaomen, Chýnsın qalasynyń meri Tan Lıanchjımen, Chendý qalasy meriniń orynbasary Lıý Sıaolıýmen, Sychýan provınsııasynyń gýbernatorynyń orynbasary Lı Iýnszemen kelissózder barysynda logıstıkalyq platforma ókilderimen Qazaqstan aýmaǵy arqyly Qytaıdan Eýropaǵa konteınerlik tasymal ósiminiń oń dınamıkasy atap ótildi.
Kezdesýlerde Qazaqstan aýmaǵy arqyly konteınerlermen tranzıttik júkterdi tasymaldaý, tasymal kólemin ary qaraı arttyrý jónindegi jumystardy jalǵastyrý ýaǵdalastyǵyna qol jetkizildi.
Kelissózder barysynda S. Myńbaev ár túrli kóliktik dálizder boıynsha júkterdi jetkizý, qazaqstandyq temirjol ınfraqurylymynyń múmkindikteri týraly aqparat bere ketti. Sondaı-aq Sıan qalasynyń qurǵaq portyna bıdaılyburshaq daqyldary men azyq túlikti tasymaldaýdy uıymdastyrý múmkindikterin qarastyrýdy usyndy.
«KTZ Express» AQ men Sıan qalasynyń Xi'an Free Trade Port Construction and Operation Co., Ltd. jáne Xi’an Continental Bridge International Logistics Co., Ltd logıstıkalyq platformasymen Qytaı – Eýropa, Parsy shyǵanaǵy elderi baǵytynda, Reseı, Qazaqstan, Ortalyq Azııa jáne Transkaspıı dálizi elderimen strategııalyq yńtymaqtastyq sheńberinde Kelisimge qol qoıyldy.
Pekınde S.Myńbaev Qytaı temir joldarynyń Bas dırektory Lý Dýnfýmen temirjol kóligi salasyndaǵy yńtymaqtastyq máseleleri boıynsha kelissózder júrgizdi. Saýat Myńbaev pen Lý Dýnfýn QR jáne QHR arasyndaǵy shekaralyq temirjol ótpeleri arqyly júkter tasymalynyń oń dınamıkasyn atap ótti.
2019 jyldyń sońyna deıin temirjolshylar júk tasymalyn 15 mln tonna kóleminde qamtamasyz etýdi josparlap otyr. Júkaǵynyń kedergisiz ótkizý úshin taraptar tasymal prosesin jetildirý, shekaralyq temirjol ınfraqurylymyn ary qaraı damytý jónindegi jumystardy jalǵastyrýǵa ýaǵdalasty. Qabyldanǵan qosymsha sharalar, sonyń ishinde jeńildikti tarıftik jaǵdaılar Qorǵas – Altynkól jáne Alashankoý – Dostyq ótkeli arqyly kóliktik baǵyttardyń básekelestigin arttyrýǵa baǵyttalady.
Taraptar 1520 mm joltabandy ýchaskelerdi biriktirýdiń ońtaılandyrylǵan shemasy boıynsha quramdardy qalyptastyra Qytaı – Eýropa – Qytaı qatynasyndaǵy konteınerlik poıyzdardy uıymdastyrýdyń tıimdiligin atap kórsetti.
Kezdesý barysynda «Qazaqstan temir joly» UK» AQ men Qytaı temir joldary arasynda Halyqaralyq temirjol qatynasynda júkterdi tasymaldaý kezinde elektrondyq derektermen almasý týraly kelisimge qol qoıyldy.
