Ashylý saltanatynda sóz sóılegen EkoEýrazııa tóraǵasy Hıkmet Eren eki el arasyndaǵy baýyrlastyq, strategııalyq áriptestik qarym-qatynastardy atap ótti. Sondaı-aq, Qazaqstannyń Orta Azııadaǵy eń belsendi jáne damyǵan el ekenine toqtala otyryp, elimiz týraly jalpy aqparat berdi.
Qazaqstan men Túrkııanyń ortaq tarıhy men mádenıetine nazar aýdarǵan MİSİAD tóraǵasy Ferıdýn О́ndjel, qaýymdastyq isker músheleriniń Qazaqstanmen saýda jáne ınvestısııalyq múmkindikterin arttyrýǵa qyzyǵatynyn málimdedi.
Túrkııa Saýda mınıstrligi halyqaralyq kelissózder departamenti dırektory orynbasary Atılla Bastyrmadjy óz kezeginde Qazaqstan men Túrkııa arasyndaǵy saýda-ekonomıkalyq qarym-qatynastar týraly egjeı-tegjeıli baıandap berdi. Atap aıtqanda, ekijaqty saýda aınalymy 3 mlrd. dollarǵa jetkendigine nazar aýdara otyryp, Túrkııa Qazaqstan eksportynda 12-shi, ımportynda bolsa 9-shy orynda ekendigine toqtaldy.
Qazaqstan-Túrkııa yntymaqtastyǵynyń táýelsizdik alǵan jyldan beri túrli salada nyǵaıa túskendigin atap ótken Elshi A.Saparbekuly «Túrik kásipkerleri úshin Qazaqstanda ınvestısııalyq múmkindikter» atty baıandama jasady.
Qazaqstannyń ınvestısııalyq tartymdylyǵyna basa nazar aýdarǵan Elshi A.Saparbekuly baıandamasynda Qazaqstannyń geografııalyq, demografııalyq, saıası jáne ekonomıkalyq jaǵdaıyna toqtaldy. Elimizdiń ınvestorlarǵa arnalǵan jeńildikteri, logıstıkalyq múmkindikteri, adamı kapıtal, tabıǵı baılyqtar, tómen óndiris shyǵyndary sekildi ınvestısııalyq tartymdylyqtary týraly tolyqqandy aqparat bergen Elshi, Qazaqstandaǵy birqatar ınvestısııalyq jobalar týraly sóz qozǵady. Sondaı-aq, áleýetti ınvestorlaǵa túrli qyzmet kórsetetin Astana Halyqaralyq qarjy ortalyǵy, Kazakh Invest jáne Kazakh Export týraly málimet berdi. Elimizdegi sońǵy saıası ózgeristerdi atap ótken Elshi A.Saparbekuly Qazaqstan táýelsizdik jyldarynan Tuńǵysh Prezıdenti - Elbasy N.Á.Nazarbaevtyń kóshbasshylyǵyndaǵy saıası-ekonomıkalyq turaqtylyqty qamtamasyz etip otyrǵanyn jáne bul óz kezeginde sheteldik ınvestorlardyń senimine ıe bolyp otyrǵandyǵynyń astyn syzyp ótti.
Sonymen qatar Elshi A.Saparbkeuly azyq-túlik, mal sharýashylyǵy, hımııa, jeńil jáne qurylys ónerkásibi, IT sektory, taý-ken salasynda ishki jáne eksporttyq múmkindikter týraly statıstıkalyq aqparattarmen bólisti.
