Oǵan qatysýshylar Qazaqstan eńbek naryǵynyń qazirgi jaǵdaıy men damý keleshegin talqylap, áleýmettik saýalnama qorytyndysyn tanystyrdy. K-Bagdar Qoǵamdyq qorynyń sarapshylary damyǵan elderdiń tájirıbesine zertteý júrgizý negizinde Jumyspen qamtý ortalyqtaryn jańǵyrtý jáne olardyń qyzmetin jetildirýge arnalǵan is-sharalar josparyn usyndy, oǵan kelesi is-sharalar kirip otyr: jumyspen qamtý ortalyqtaryna degen senimdi kóterý, járdemaqynyń mańyzdylyǵyn arttyrý, jastarmen jáne 50 jastan asqan tulǵalarmen jumys jasaý, mektep oqýshylaryna kásibı baǵdar berý júıesi, jumys berýshilerge beriletin artyqshylyqtar, aqparattyq-túsindirme jumystaryn júrgizý strategııasy, Jumyspen qamtý ortalyqtary qyzmetkerleriniń biliktiligin kóterý.
Máselen, kompanııalardy ekonomıkalyq turǵyda yntalandyrý arqyly jastardy jumysqa tartýǵa arnalǵan sharalar usynylyp otyr: memleket esebinen áleýmettik jáne salyqtyq tólemder boıynsha shyǵyndardy óteý; Jumyspen qamtý ortalyqtary janynan Jastar mansabynyń ortalyǵyn qurý; joǵarǵy synyp oqýshylaryn oqýdan tys ýaqytynda olardyń tańdaǵan mamandyǵy boıynsha qoǵamdyq jumystarǵa ornalastyrý, sondaı-aq, KASIP sıfrlik júıesi arqyly mektep oqýshylarymen kásibı baǵdar berý jumystaryn júrgizý.
Sarapshylar jumys berýshilerge qoldaý kórsetý sharalary ishinde múgedekterdi jumysqa alatyn jumys berýshilerge jalaqynyń ishinara sýbsıdııasyn, jumys oryndarynyń qysqarýyna jol bermeý úshin bilikti jumysshylardyń aıyrylǵan tabysyn ishinara óteý, qyzmetkerler biliktiligin kóterý úshin memlekettik granttar usyný syndy sharalardy usynyp otyr. Sarapshylardyń pikirinshe, osyndaı yntalandyrý ádisterin endirý jumyspen qamtý úlesin ulǵaıtyp, bilikti kadrlardyń sanyn saqtap arttyrýǵa jaǵdaı jasamaq.
Sondaı-aq, sarapshylar soft-skills daǵdylaryn damytýǵa, memlekettik jumyspen qamtý qyzmetterinde eńbek etetin qyzmetkerlerdiń óziniń bilimderi men daǵdylaryn jetildirýge erekshe kóńil bólip otyr. Soft skills, ıaǵnı «ıkemdi» áleýmettik daǵdylar – qarym-qatynas qura bilý, ýaqytty basqarý, kóshbasshylyq sapalar, kreatıvtilik – munyń bári qazirgi zamanǵy eńbek naryǵyndaǵy turaqty trend bolyp tabylady.
Zertteýshilerdiń kútip otyrǵan úmitterine sáıkes daıyndalǵan sharalar azamattardyń uzaq merzimdi jáne nátıjeli eńbekke turýyna jaǵdaı jasamaq.
