Ekijaqty áskerı yntymaqtastyqty nyǵaıtý maqsatynda Aqtaýǵa «Djýshan» men «Separ» zymyran katerleri quramynda Iran Islam Respýblıkasy armııasy Áskerı-teńiz kúshteri jaýyngerlik korablderiniń jasaǵy keldi.
Joryqtyń jalpy qashyqtyǵy shamamen 450 teńiz mılıasyn qurady. Aqtaý teńiz portyndaǵy korablderdi Qazaqstan Áskerı-teńiz kúshteriniń «Qazaqstan» zymyran-artıllerııalyq korabli kútip aldy. Teńiz hattamasyna sáıkes QR QK ÁTK men IIR armııasynyń ÁTK korablderi arasynda sapar almasý, sondaı-aq korablder ekıpajdarynyń ózara ekskýrsııalary kózdelgen.
Sapar baǵdarlamasy aıasynda ártúrli sport boıynsha saıystar jáne IIR armııasy ÁTK korablderi ekıpajdarynyń Aqtaý q. mádenı nysandary men kórikti jerlerine barýy ótkiziledi. 2017 jyldyń qyrkúıeginde QR Áskerı-teńiz kúshteri korablderiniń toby «Saryarqa» jáne «Oral» zymyran-artıllerııalyq korablderi quramynda Iran Islam Respýblıkasynyń Bender-Enzelı portyna sapar shekkenin esterińizge sala keteıik.
