«2018 jylǵy 29 maýsymdaǵy №162-VI QRZ «Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» QR Konstıtýsııalyq Zańyna sáıkes Qazaqstan Respýblıkasynyń memlekettik eltańbasyna ózgeris engizildi.
Oǵan sáıkes memlekettik tildegi «QAZAQSTAN» degen sóz latyn grafıkasynyń negizindegi álipbı paıdalanyla otyryp «QAZAQSTAN» dep jazyldy. «QAZAQSTAN» degen jazýy bar memlekettik eltańbany paıdalaný týraly talap 2018 jylǵy 1 qarashadan bastap qoldanysqa engizildi.
QR memlekettik eltańbasy teńge monetalary dızaınynyń mindetti elementi bolyp tabylatyndyqtan, Ulttyq bank 2019 jylǵy úlgidegi dızaıny ózgertilgen monetalardy aınalysqa shyǵarý týraly sheshim qabyldady. Olardaǵy jazýlar latyn grafıkasynyń negizindegi álipbı paıdalanyla otyryp memlekettik tilde oryndalǵan», - delingen Ulttyq bank taratqan málimette. Aınalystaǵy monetalardyń syrt jaǵynda (reversinde) «QAZAQSTAN» degen sózi bar QR memlekettik eltańbasy beınelengen.
Sondaı-aq shyǵarǵan eldi bildiretin «QAZAQSTAN RESPÝBLIKASY» degen jazý bar. Aınalystaǵy monetalardyń bet jaǵynda (aversinde) monetalar nomınalynyń sıfrlyq beınelenýi, sondaı-aq ulttyq valıýtanyń «TEŃGE» degen ataýy men shyǵarǵan bank ataýynyń qysqartylǵan belgisi «QUB» (Qazaqstan Ulttyq Banki) bar mátindik jazýlar ornalasqan. 2019 jylǵy úlgidegi dızaıny ózgertilgen nomınaldyq quny 100 teńgelik aınalystaǵy monetalardyń qyrynda (gýrtynda) «JÚZ TEŃGE» degen jazý bar.
«Aınalystaǵy monetalardyń tehnıkalyq jáne zattaı ólshemderi: massasy, dıametri, qalyńdyǵy, metall quımasy ózgerissiz saqtalǵan. Tólem termınaldaryn jáne basqa da kassany qosymsha qaıta teńsheý talap etilmeıdi. Eski jáne jańa úlgidegi aınalystaǵy monetalar zańdy tólem quraly bolyp tabylady jáne barlyq tólem túrleri boıynsha qabyldanýǵa mindetti!».
