Prezıdent • 26 Sáýir, 2019

Qasym-Jomart Toqaev Shyǵys Qazaqstan oblysynyń jurtshylyǵymen kezdesti

909 ret kórsetildi

Bul týraly Aqordanyń baspasóz qyzmeti habarlady.

Memleket basshysy jurtshylyqpen kezdesý aldynda D.Serikbaev atyndaǵy Shyǵys-Qazaqstan memlekettik tehnıkalyq ýnıversıtetinde ashylǵan arheologııalyq kórmeni aralap kórdi.

Kórme Shilikti alqabyndaǵy jáne Tarbaǵataı bókterindegi ejelgi jáne orta ǵasyrlyq eskertkishterge arnalǵan.

Qasym-Jomart Toqaev jurtshylyqqa arnalǵan sózinde oblystyń negizgi áleýmettik-ekonomıkalyq kórsetkishterine toqtaldy.

– О́tken jyldyń qorytyndysy boıynsha ónerkásip óndirisiniń kólemi 9,3 paıyzǵa artqan. 2015-2018 jyldardaǵy ındýstrııalandyrý baǵdarlamasynyń aıasynda 19 joba júzege asyrylyp, 3,5 myń jańa jumys orny ashylǵan. Oblys ekonomıkada jaqsy kórsetkishterge qol jetkizip qana qoımaı, áleýmettik salany tabysty damytý jaǵynan da úlgi kórsetip otyr, – dedi Memleket basshysy.  

Sonymen qatar, Qazaqstan Prezıdenti azamattardy alańdatyp otyrǵan mańyzdy máselelerge nazar aýdardy.

– Men úshin ákimderdiń jumysynyń basty kórsetkishi - jańadan ashylǵan jumys oryndarynyń sany, eńbekaqy kólemi jáne eńbek etýge jasalǵan jaǵdaı. Osyǵan baılanysty, oblys basshylyǵyna atalǵan baǵyttaǵy jumystardyń tıimdiligin túbegeıli arttyrýdy tapsyramyn, – dedi Prezıdent.  

 

Memleket basshysy bıznestiń damýyna qolaıly jaǵdaı jasaý ákimdik jumysynyń negizgi baǵyty bolý kerek dep esepteıdi.

– Birneshe iri óndiristik kásiporynnyń bolýy ShQO-nyń artyqshylyǵy. Shaǵyn jáne orta bıznespen baılanysyn arttyrý úshin olardyń múmkindikterin belsendi paıdalaný kerek, – dedi Qasym-Jomart Toqaev. 

Qazaqstan Prezıdenti azamattardyń ómir súrý sapasyn arttyrýdy basym baǵyttardyń biri retinde atady.

– Búginde oblystaǵy 710 eldi mekenniń jartysynan sál ǵana asatyn bóligi ortalyqtandyrylǵan aýyz sýmen qamtylǵan. О́ńirlerdi damytý baǵdarlamasyna sáıkes 2020 jylǵa qaraı aýyldardyń 80 paıyzyna taza aýyz sý jetkizilýi kerek, – dedi Memleket basshysy.

Qasym-Jomart Toqaev sheshilýi qajet kelesi mindet retinde týrıstik ınfraqurylymdy damytý dep belgiledi. 

– Qazirgi jaǵdaıda týrızm ındýstrııasy ekonomıkalyq ósimniń mańyzdy draıveri ári jańa jumys oryndaryn ashýǵa múmkindik beredi. Týrızmdi damytý Memlekettik baǵdarlamasy aıasynda jylyna 2 mıllıonnan astam týrıst tarta alatyn Alakól jaǵalaýy, 10 negizgi týrıstik ortalyqtyń qataryna endi. Byltyr kóptegen qazaqstandyqtar Alakólde demalýdy jón kórgen, alaıda,  olarǵa sapasyz qyzmet kórsetilgen. Halyq jergilikti avtomobıl joldarynyń tozyp ketkenine shaǵymdandy. Osyǵan baılanysty, Shyǵys Qazaqstan men Almaty oblystarynyń ákimderine jergilikti joldardy jóndeý, qyzmet kórsetý sapasynyń deńgeıin kóterý máselelerin tez arada sheshýdi tapsyramyn, – dedi Qazaqstan Prezıdenti. 

Memleket basshysy óńirdegi ekologııalyq jaǵdaıdy jaqsartýǵa jan-jaqty toqtaldy.

– Semeı polıgonynyń bizge qandaı zardap ákelgenin eshqashan umytpaımyz. Iаdrolyq qarýdyń synaqtary bizdiń jerimiz ben tabıǵatymyzǵa orny tolmas apat ákeldi. Bizdiń elimiz Semeı polıgonyn jaýyp, álemdegi ıadrolyq qarýǵa qarsy qozǵalysta kóshbasshy boldy. Alaıda, sol synaqtardyń aýyr zardaptary áli kúnge bizdiń azamattarymyzdyń densaýlyǵyna zııanyn tıgizýde. Meni ásirese, qan aınalymy júıesi men qaterli isik aýrýlarynyń kóbeıip ketkeni qatty alańdatady. Bul aýrýlar boıynsha oblystaǵy kórsetkish respýblıkalyq ortasha esepten 1,5 esege kóp. Odan bólek, adamdardyń densaýlyǵy men kóńil-kúıine keri áser etetin zııandy zattardyń aýaǵa shamadan tys taraýy da aımaqtaǵy ózekti másele, – dedi Qasym-Jomart Toqaev. 

Osyǵan baılanysty, Prezıdent Úkimet pen Shyǵys Qazaqstan oblysynyń ákimdigine úkimettik emes uıymdarmen jáne kásiporyndarmen birlesip, qorshaǵan ortanyń sapasyn jaqsartý úshin keshendi sharalardy júzege asyrýdy tapsyrdy.   

Memleket basshysy jemqorlyqtyń áli de bolsa qoǵamnyń asqynǵan dert ekenin, onyń el úshin atqarylýy tıis kóptegen bastamalar men jobalarǵa kedergi keltirip otyrǵanyna ókinish bildirdi.

– Men óz tarapymnan bul júıeli máseleni sheshý úshin bar kúsh-jigerimdi salamyn. Alaıda, azamattardyń ózderi belsendilik tanytpaı, jemqorlyqty joıý múmkin emes. Prezıdent retinde aıtarym, men úshin ádilettilik – barshanyń zań aldyndaǵy teńdigi, – dedi Qasym-Jomart Toqaev.

Kezdesý barysynda azamattyq qoǵam ókilderi, jastar, pedagogtar, dárigerler men kásipkerler óz pikirlerin bildirdi.

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar