Atqarylyp jatqan jumystar týraly QR bilim jáne ǵylym mınıstri K. Shámshıdınova baıandady, sondaı-aq jataqhanalar salý boıynsha belsendi jumystar júrgizilip jatqan, tájirıbelerin basqa óńirler úlgi ete alatyn Jambyl oblysynyń, Nur-Sultan, Shymkent qalalarynyń ákimderiniń baıandamalary tyńdaldy.
QR Úkimetiniń aldynda 2022 jylǵa deıin 75 myń jańa orynǵa arnalǵan jańa stýdenttik jataqhanalardy paıdalanýǵa berý mindeti tur. Osy qajettilikti sheshýge qajet qarjy modeli ázirlengen, ol oqý oryndarynyń óz qarajaty nemese ınvestor qarajaty esebinen jataqhanalardy engizýdi jáne paıdalanýǵa bergennen keıin memlekettik tapsyrysty ornalastyrýdy qarastyrady. Kásipkerler úshin barlyq múmkindikter jasalǵan. Bankterdiń paıyzdyq mólsherlemesi 7%-ǵa deıin tómendetilip, qurylys erejeleri jeńildetildi, memlekettik tapsyrys qarjy jaǵynan qamtamasyz etildi.
QR Premer-Mınıstri A. Mamın aralyq oń qorytyndylardy atap ótti. Osy jyldyń sońyna deıin 9 myńnan astam oryn paıdalanýǵa beriledi dep kútilýde, jospardaǵysy — 5 myń oryn.
«Joǵary deńgeıdegi bilim berý júıesin qurý úshin stýdentterdiń turý jaǵdaıyn jasaý kerek», — dedi Asqar Mamın.
QR Úkimetiniń basshysy jataqhanalardy paıdalanýǵa berýdiń naqty josparlaryn ázirlep, oryndaýdy qamtamasyz etýdi tapsyrdy. Osy baǵytta ınvestorlarmen jumysty uıymdastyrý qajet. Jataqhanalar salýdy birlesken kúsh-jigermen, memlekettik-jekemenshik áriptestik aıasynda jalǵastyrý qajet. Bul rette qolda bar tetikti negizge alyp jumys isteý kerek, sebebi jataqhanalar qurylysyna bıýdjetten qosymsha qarajat bólinbeıdi.
«Ákimder rektorlarmen jáne oqý oryndarynyń basshylarymen birlesip, stýdentter jataqhanalaryn salý jumysyn jandandyryp, josparlanǵan nysandardy ýaqytynda tapsyrýdy qamtamasyz etsin, qymbat jobalyq-smetalyq qujattama ázirleýdi toqtatsyn», — dep tapsyrdy QR Premer-Mınıstri A. Mamın.
