Saıasat • 29 Sáýir, 2019

Qazaqstanda alǵash ret bir jylda 29 stýdenttik jataqhana paıdalanýǵa beriledi — B. Asylova

756 ret kórsetildi

Búgin QR Úkimeti otyrysynyń qorytyndysy boıynsha ótken baspasóz konferensııasynda QR bilim jáne ǵylym vıse-mınıstri B. Asylova stýdentter jataqhanalaryn salý jumystary týraly aıtyp berdi. Bul týraly Úkimettiń baspasóz qyzmeti habarlady.

B. Asylova Qazaqstan tarıhynda alǵash ret bıyl 9 196 orynǵa arnalǵan 29 jataqhana paıdalanýǵa beriletinin aıtty.

«Elimizdiń tarıhynda buǵan deıin osyndaı kórsetkish bolǵan joq. Uzaq ýaqyt boıy salynǵan jataqhanalardyń maqsatty qurylysy júrgizildi. Jylyna kóp degende 2-2,5 myń oryn paıdalanýǵa beriletin. Atalǵan jobany iske asyrýda memlekettik-jekemenshik áriptestik tetigin qoldaný óz tıimdiligin kórsetti», — dedi QR vıse-mınıstri.  

Sonymen qatar, ol jobany iske asyrýdyń aldynda óńirler boıynsha barlyq qajettilikke taldaý júrgizilgenin atap ótti. Búginde jalpy qajettilik 91 myń oryndy quraıdy. Olardyń ishinde JOO-lar boıynsha — 68 myń, kolledjder boıynsha — 23 myń. Eń joǵary qajettilik — Almaty qalasynda – 31 myń orynǵa, Nur-Sultan qalasynda – 17 myń orynǵa, Shymkent qalasynda – 8,4 myń orynǵa. Bıyl beriletin 29 joba barlyq óńirlerde derlik bolady.

Vıse-mınıstrdiń aıtýynsha, jataqhanalar salý jobasynyń jalpy quny 152 mlrd tg quraıdy. Búginde joba tolyqtaı qarjylandyrylǵan.

«Bıyl QR Bilim jáne ǵylym mınıstrligi jobany júzege asyrýǵa 1 mlrd teńge qarastyrǵan. Aldaǵy jyldarda bizdegi úsh jyldyq bıýdjettik sıkldi eskere otyryp, shamamen 14 mlrd teńge kózdelgen. Negizinen bizde barlyq bıýdjettik esepter bar, bıýdjet komıssııasynyń oń sheshimi bar. Jalpy, bul joba qarjylyq qamtamasyz etilgen. Qarjylandyrýdyń jalpy kólemi 152 mlrd teńgeni quraıdy», — dedi B. Asylova.

Sondaı-aq, vıse-mınıstr tósek ornyna jumsalatyn shyǵyndardy qysqartý týraly másele boıynsha túsinikteme berdi. Onyń aıtýynsha, nysan qurylysy kezinde bir tósek ornyna arnalǵan memlekettik tapsyrys 122 AEK jáne rekonstrýksııalaý kezinde 47 AEK quraıtynyn aıtty.

«Bizge eki ese qymbat jobalar usynyldy. Bizge qymbat jobalar usynǵan oqý oryndary da bar. Bul negizinen tehnıkalyq jaǵdaılardy keńeıtý, jekelegen bólmelerdiń bolýy jáne t.b. máselelermen túsindirildi. Atalǵan tetik osyndaı qymbat jobalardy tolyǵymen qamtı almaıdy. Sondyqtan qajetsiz qymbat jobalardy qysqartý týraly tapsyrma berildi», — dedi vıse-mınıstr.

Sondaı-aq, vıse-mınıstr búginde QR IIDM  Qurylys jáne turǵyn úı-kommýnaldyq sharýashylyq isteri komıteti 120, 180, 240 orynǵa arnalǵan úsh úlgilik jobany maquldaǵanyn aıtty. Barlyq jobalar «Qarjy ortalyǵy» AQ saıtyndaornalastyrylǵan. Qol qoıylǵan kelisimsharttar boıynsha 500 oryndyq jataqhananyń ortasha quny shamamen 800-900 myń teńgeni quraıdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar