Áskerı vedomstvo basshysy general-maıor N. Ermekbaev Shanhaı yntymaqtastyq uıymyna múshe memleketteri qorǵanys mınıstrleriniń keńesine qatysty. ShYU sheńberinde Qyrǵyzstan prezıdenti Sooronbaı Jeenbekov uıymǵa múshe memleketter qorǵanys vedomstvolarynyń basshylaryn qabyldady.
Kezdesýde óńirdegi beıbitshilik pen turaqtylyqty saqtaý jónindegi mindetterdi sheshý úshin birlesken kúsh-jigerdi óristetý qajettiligi týraly atap ótildi. Otyrys barysynda ShYU-ǵa múshe memleketterdiń mınıstrleri ári qaraıǵy ózara is-qımyl, qaýipsizdik aıasyndaǵy yntymaqtastyqty nyǵaıtý máselelerin talqylady, sondaı-aq halyqaralyq jáne óńirlik kún tártibiniń ózekti máseleleri boıynsha pikir almasty. Basymdyq baǵyttardyń ishinde terrorızm, ekstremızm jáne separatızmge qarsy turý, óńirdegi beıbitshilik pen tynyshtyqty saqtaý, elderimizdiń turaqtylyǵy men turaqty damýyn qamtamasyz etý boldy. 2020-2031 jyldarǵa arnalǵan ShYU-ǵa múshe memleketteri qorǵanys mınıstrlikteriniń yntymaqtastyq jospary bekitildi jáne birlesken áskerı oqý-jattyǵýlardy ótkizý týraly Shanhaı yntymaqtastyq uıymyna múshe memleketteri arasyndaǵy kelisimge ózgerister men tolyqtyrýlar engizý týraly hattamaǵa qol qoıyldy. «Memleketterimizdiń basshylarynyń jetekshilik etýimen ShYU ózara senim, teńdik, qurmet, jalpy damýǵa talpynys pen «shanhaı rýhyn» ustap turýǵa qaǵıdattardy saqtaý arqyly damýda», dedi Qorǵanys mınıstri, general-maıor N. Ermekbaev.
Sóz sóıleý barysynda ShYU sheńberindegi ózara is-qımyldyń basymdyq baǵyttary jamandyqtyń úsh kúshimen, ıaǵnı, terrorızm, separatızm jáne ekstremızmmen kúresý bolyp jatqanyn atap ótti. Osyǵan baılanysty, Reseı Federasııasynda ótkizilgen «Beıbit mıssııa – 2018» birlesken áskerı terrorızmge qarsy oqý-jattyǵýynyń máni atap ótildi. Oǵan alǵash ret Úndistan men Pákistannyń qarýly kúshteri qatysty.
Atalmysh oqý-jattyǵýlardy ótkizý praktıkasyn jalǵastyrý qajettiligi atap ótildi. Keńes qorytyndysy boıynsha qatysýshylar 2018 jyly qurylǵan tıimdi konsýltasııalyq mehanızm bolyp tabylatyn qorǵanys mınıstrleriniń keńesi janyndaǵy saraptamalyq jumys tobynyń jumysyna joǵary baǵa berdi. Kezekti otyrys 2020 jyly Reseı Federasııasynda ótedi.
