Saıasat • 30 Sáýir, 2019

Qazaqstan men Horvatııa saıası, saýda-ekonomıkalyq yntymaqtastyqty nyǵaıtýǵa nıetti

857 ret kórsetildi

Bul týraly Syrtqy ister mınıstrliginiń baspasóz qyzmeti habarlady.

Búgin Qazaqstan astanasyna Horvatııa Premer-mınıstriniń orynbasary - Syrtqy jáne eýropalyq ister mınıstri Marııa Peıchınovıch-Býrıch resmı saparmen keldi. Atalǵan sapar Horvatııanyń Qazaqstandaǵy Elshiliginiń resmı ashylýymen erekshelendi.

Qazaqstan Syrtqy ister mınıstri Beıbit Atamqulov horvat áriptesimen kelissózder júrgizip, ekijaqty yntymaqtastyqtyń perspektıvalyq baǵyttaryn jáne halyqaralyq máselelerdi talqylady.

Kelissózder barysynda M. Peıchınovıch-Býrıch Qazaqstannyń Tuńǵysh Prezıdenti – Elbasy Nursultan Nazarbaevtyń qazaq memlekettiligin qurýdaǵy, aýqymdy reformalardy sátti júzege asyrýdaǵy jáne Qazaqstannyń halyqaralyq bedelin nyǵaıtýda rólin erekshe atap ótti. Qazaqstanda joǵarǵy bılikti berý prosesinde turaqtylyqty qamtamasyz etýdiń mańyzdylyǵy atap ótildi. Taraptar Qazaqstanda aldaǵy prezıdenttik saılaý halyqaralyq demokratııalyq standarttarǵa sáıkes ótetinine ózara senim bildirdi.

Kelisim-quqyqtyq bazany nyǵaıtý, vedomstvoaralyq yntymaqtastyqty arttyrý, iskerlik jáne mádenı-gýmanıtarlyq baılanystardy keńeıtý boıynsha birlesken belsendi jumystarǵa erekshe nazar aýdaryldy. QR SIM-niń ınvestısııalardy tartý jáne eksportty jyljytý salasyndaǵy úılestirýshi róli atap ótildi.

Saýda-ekonomıkalyq yntymaqtastyqty keńeıtý týraly ýaǵdalastyqqa qol jetkizildi. Munaı-gaz ónerkásibi, qurylys, ınnovasııa, tamaq ónerkásibi, aýyl sharýashylyǵy, farmasevtıka jáne týrızm salalary perspektıvti baǵyttar retinde atandy.

2016 jyldan bastap Horvatııamen ekijaqty saýda 8 esege ósip, 2018 jyldyń qorytyndysy boıynsha 350 mln AQSh dollaryn qurady. Qazaqstanda qurylys, aqparattyq tehnologııalar, azyq-túlik ónerkásibi jáne saýda salalarynda 20-dan astam horvat kompanııasy jumys isteıdi. Iri jobalardyń qatarynda - Nur-Sultandaǵy «Zagreb» turǵyn úı kesheniniń qurylysy, QR Densaýlyq saqtaý mınıstrliginiń horvat «Ericsson Nikola Tesla» kompanııasymen birlesip, densaýlyq saqtaýdyń ıntegrasııalyq platformasyn jáne elektrondyq densaýlyq pasporttaryn engizý, «Sultan» JShS pen «Instrýmentarııa» horvat kompanııasynyń protezdik-ortopedııalyq ónimderdiń birlesken óndirisi.

2019 jyly qańtarda Qazaqstan Horvatııamen jasasqan qosarlanǵan salyq salýdy boldyrmaý týraly úkimetaralyq kelisimdi ratıfıkasııalady. Naýryzda Ekonomıkalyq yntymaqtastyq jónindegi Qazaqstan-Horvatııa úkimetaralyq komıssııasyn qurýdyń quqyqtyq negizin qamtamasyz etetin Qazaqstan men Horvatııa Úkimetteri arasyndaǵy ekonomıkalyq yntymaqtastyq týraly kelisim kúshine endi. Kelissózder barysynda Úkimetaralyq komıssııany qurý jáne birinshi kezdesýdi 2019 jyldyń sońyna deıin ótkizý týraly kelisimge qol jetkizildi.

Syrtqy saıası vedomstvolardyń basshylary ınvestısııalardy kótermeleý jáne ózara qorǵaý týraly úkimetaralyq kelisimge, sondaı-aq aýyl sharýashylyǵy, týrızm, densaýlyq saqtaý jáne basqa da salalardaǵy birqatar vedomstvoaralyq kelisimderge qol qoıýǵa qyzyǵýshylyq tanytty.

B. Atamqulov 2020 jyldyń birinshi jartysynda alǵash ret Eýropalyq Odaqtaǵy tóraǵalyqtyń joǵary mıssııasyn júzege asyratyn Horvatııanyń syrtqy saıası jetistikterine joǵary baǵa berdi. Qazaqstan men Eýropalyq Odaq arasyndaǵy keńeıtilgen seriktestik jáne yntymaqtastyq týraly kelisim aıasynda ózara is-qımyldy damytý daıyndyǵy ataldy.

M. Peıchınovıch-Býrıch óz kezeginde Qazaqstannyń 2017-2018 jj. BUU Qaýipsizdik Keńesiniń turaqty emes múshesi retindegi qyzmetin, QR-nyń halyqaralyq qaýipsizdikke qosqan úlesin, sonyń ishinde Sırııadaǵy qaqtyǵysty retteý jónindegi Astana prosesin, sondaı-aq elimizdiń ıadrolyq qarýsyz álem ıdeıasyn júzege asyrýdy jáne halyqaralyq mádenıetter men dinder dıalogyn damytýdy joǵary baǵalady.

Kelissózder qorytyndysy boıynsha QR Bilim jáne ǵylym mınıstrligi men Horvatııanyń Ǵylym jáne bilim mınıstrligi arasynda bilim jáne ǵylym salasyndaǵy yntymaqtastyq týraly ózara túsinistik týraly memorandýmǵa qol qoıyldy.

Qazaqstan men Horvatııa SIM basshylary Qazaqstandaǵy shet memlekettiń 70-shi ókildigi bolǵan Nur-Sultan qalasyndaǵy Horvatııa Respýblıkasy Elshiliginiń ashylý rásimine qatysty. Qazaqstan syrtqy saıası vedomstvosynyń basshysy óz sózinde elordamyzdaǵy Horvatııa elshiliginiń ashylýyna Horvatııa Premer-mınıstriniń orynbasary - Syrtqy jáne eýropalyq ister mınıstriniń qatysýy Horvatııanyń Qazaqstanǵa degen joǵary qurmetiniń jáne bizdiń elimizben erekshe qatynastar men dostyqtyń belgisi bolyp tabylatyndyǵyn atap ótti (Qazaqstannyń Horvatııadaǵy elshiligi 2007 jyldyń jeltoqsan aıynan bastap jumys isteıdi).

Sapar barysynda M. Peıchınovıch-Býrıch Parlament Senatynyń Tóraǵasy Darıǵa Nazarbaevamen, Parlament Májilisiniń Tóraǵasy Nurlan Nyǵmatýlınmen kezdesip, Qazaqstan-Horvatııa yntymaqtastyǵy men parlamentaralyq qatynastar máselelerin talqylady.


Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar