Memleket basshysy «Rýhanı jańǵyrý» baǵdarlamasy aıasynda jastardyń zııatkerlik ortalyǵy bolyp qaıta qurylǵan Jambyl atyndaǵy jasóspirimder kitaphanasynyń jumysymen tanysty. «Open space» formaty boıynsha jumys isteıtin bul mekemede elektrondy resýrstarmen, kitap jáne merzimdi basylymdarmen jumys isteý, fılmder kórsetý, tanystyrylymdar, trenıngter jáne konferensııalar ótkizý qyzmeti qamtylǵan. Ortalyq kitap qory 1,8 mıllıon danadan asatyn qalanyń biryńǵaı kitaphanalar júıesine kiredi.
Qasym-Jomart Toqaev jastar men eriktiler qozǵalysynyń ókilderine óziniń ómiri men eńbek joly týraly áńgimeledi.
– BUU Bas hatshysynyń orynbasary bolyp jumys istegen kezimde volonterlik jumysqa kóp kóńil bóldim. Biz kóptegen elderdiń eriktilerin jınap forýmdar uıymdastyrdyq. Qazaqstan Parlamentinde istegende volonterlik týraly zań qabyldadyq. Memleket tarapynan bul qozǵalysqa qoldaý kórsetip, damytý úshin barlyq jaǵdaı jasalýda, – dedi Qazaqstan Prezıdenti.
Memleket basshysy jaqyn arada elimizde eriktilerdiń úlken forýmyn ótkizý josparlanyp otyrǵanyn aıtty.
