Ortalyqta Memleket basshysyna kópbalaly jáne turmysy tómen otbasylardy áleýmettik qoldaý jónindegi Tuńǵysh Prezıdent – Elbasy tapsyrmalarynyń oryndalý barysy týraly málimet berildi.
Qasym-Jomart Toqaev «bir tereze» qaǵıdaty boıynsha áleýmettik álsiz otbasylar men kópbalaly analarǵa qyzmet kórsetý maqsatynda ashylǵan elimizdegi alǵashqy mekeme «Baqytty otbasy» analar ortalyǵynyń jumysymen tanysty. Munda mamandar kópbalaly analarǵa psıhologııalyq, quqyqtyq máseleler boıynsha keńes beredi. Sonymen qatar, jańa mamandyqtarǵa baýlyp, kompıýterlik saýat ashýǵa kómektesedi. Ortalyq qyzmeti áleýmettik álsiz otbasylardyń ómir súrý sapasyn arttyryp, olardyń ekonomıkalyq derbestigin nyǵaıtýǵa baǵyttalǵan.
