Uıymdastyrýshylar zaǵıptardyń qatysýymen Ýılıam Shekspırdiń «Romeo men Djýletta» tragedııasyn sahnalady. Qoıylym uly dramatýrgtyń 455 jyldyǵyna arnaldy. Osyndaı teatrlandyrylǵan qoıylym óńirde alǵash ret qoıylǵanyna qaramastan, tusaýy sátti kesildi. Basqa saldy, men kóndim dep taǵdyrdyń jazýyna qol qýsyryp otyrmaı, kózdiń emes, kóńildiń ashyq bolýy áldeqaıda mańyzdy ekendigin dramalyq shyǵarma arqyly uǵyndyra bilgen áýesqoı ártisterge degen qurmet sheksiz boldy.
«Spektakldi qoıý ıdeıasy kóńilimizden shyǵyp, qatysýǵa birden tilek bildirdim. Meniń rólim asa qıyn bolmasa da, azdap qobaljyǵanym ras. Biz osy qoıylym arqyly ańyzǵa aınalǵan mahabbattyń qudyrettiligin, shynaıylyǵyn sýretteýge tyrystyq», deıdi ledı Kapýlettıdiń beınesin somdaǵan Jupar Abraeva.
Kitaphana qyzmetkerleriniń aıtýynsha keıipkerlerdiń sózderi aýdıojazba arqyly jiberilip, óte yńǵaıly ádister tańdap alynǵan kórinedi. Kitaphana meńgerýshisi Ársen Nuǵymanov qoıylymǵa 1 aı ýaqyt daıyndalǵandaryn , Ý. Shekspırdiń týǵan kúnine oraılastyrylǵanyn, aldaǵy ýaqytta teatrlandyrylǵana týyndylar sanyn kóbeıtýdi josparlap otyrǵandaryn aıtady. Búginde zaǵıp jáne nashar kóretin azamattar kitaphanasynda bir myńnan astam oqyrman bar.
Soltústik Qazaqstan oblysy
