Saıasat • 01 Mamyr, 2019

Elbasy Qazaqstan halqynyń birligi kúnin merekeleýge arnalǵan sharaǵa qatysty

999 ret kórsetildi

Elbasy Nursultan Nazarbaev 1 mamyr – Qazaqstan halqynyń birligi kúnin merekeleýge arnalǵan sharaǵa qatysty. Bul týraly Aqordanyń baspasóz qyzmeti habarlady.

Tuńǵysh Prezıdent Nursultan Nazarbaev elorda turǵyndary men qonaqtary aldynda sóılegen sózinde barsha jurtty Qazaqstan halqynyń birligi kúnimen quttyqtady.

– Babalarymyz birliktiń arqasynda barlyq qıyndyqty eńserip, biz úshin osyndaı Uly dalany saqtap qaldy. Biz birge olardyń armanyn oryndap, táýelsiz Qazaqstandy qurdyq, – dedi Nursultan Nazarbaev.

Elbasy zamanaýı Qazaqstan barlyq jetistikke qoǵamdaǵy birliktiń arqasynda qol jetkizgenin atap ótip, bárin beıbit ómir men turaqtylyqty baǵalaýǵa jáne saqtaýǵa shaqyrdy.

– Biz – baqytty halyqpyz. Birligimizdi saqtap, táýelsizdigimizdi qurmetteýimiz kerek. Damý baǵdarlamalarymyzdy júzege asyrý elimizdiń bolashaǵyn odan ári jarqyn ete túsedi, – dedi Tuńǵysh Prezıdent.

Nursultan Nazarbaev álemde etnosaralyq qaqtyǵystardyń saldarynan týyndaıtyn qazirgi zamanǵy syn-tegeýrinderge toqtaldy.

– Ár úıge, ár otbasyna bereke, baqyt, amandyq jáne erteńgi kúnge degen senimdilik tileımin. Meıramdaryńyzben! – dep túıindedi Elbasy.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar