Qazaqstan IаQTSh-nyń tolyq jáne qatań iske asyrylýyn qoldaıdy

Qazaqstan ıadrolyq qarýsyzdaný men taratpaý rejımin nyǵaıtýdyń belsendi jaqtaýshysy retinde Iаdrolyq qarýdy taratpaý týraly shart (IаQTSh) erejeleriniń qatań jáne tolyqqandy oryndalýyn qoldaıdy. Bul týraly Qazaqstan delegasııasynyń basshysy Erjan Ashyqbaev 2020 jylǵy IаQTSh Sholý Konferensııasyna Daıyndyq Komıtetiniń úshinshi sessııasynda málimdedi.

Qazaqstandyq dıplomat jalpy pikirtalastardy Ortalyq Azııadaǵy ıadrolyq qarýdan azat aımaq týraly shartqa (Semeı Shartyna) qatysýshy memleketter tobynyń atynan sóz sóılep ashty. Bıyl óziniń tolyqqandy qurylýynyń 10 jyldyǵyn atap otyrǵan bul aımaq soltústik jarty shardaǵy birden bir ıadrolyq qarýsyz aımaq bolyp qala berýde.

Ortalyq Azııa aımaǵynyń aǵymdaǵy úleıstirýshisi retinde qazaqstandyq delegasııa basshysy AQSh-ty Semeı Shartyna (Iаdrolyq qarýdy qoldanbaý týraly) teris kepildemeler jónindegi hattamasyn tezirek ratıfıkasııalaýǵa shaqyrdy jáne álemde jańa ıadrolyq qarýdan azat aımaqtardyń qurylatynyna úmitin bildirdi.

3 mamyrda Qazaqstan delegasııasy ıadrolyq qarýsyz aımaqtar arasyndaǵy yntymaqtastyqty nyǵaıtý máselelerine arnalǵan arnaıy is-shara uıymdastyrady.

Daıyndyq sessııasynyń jumysy Qazaqstannyń taǵy bir mańyzdy mereıtoılyq sebebimen, atap aıtqanda, IаQTSh-ǵa múshe bolǵanyna 25 jyl tolý merekesimen tuspa-tus kelip otyr. E.Ashyqbaev ulttyq baıandamasynda Qazaqstannyń sońǵy shırek ǵasyrda atqarǵan qyzmetiniń negizgi kezeńderin aıshyqtap, álemdik qaýipsizdik arhıtektýrasyn nyǵaıtý jónindegi halyqaralyq kúsh-jigerlerdegi erekshe tarıhı rólin kórsetip berdi. Memlekettiń keńinen tanylǵan jetistikteriniń negizin Qazaqstan Respýblıkasynyń Tuńǵysh Prezıdenti Nursultan Nazarbaevtyń nátıjeli antııadrolyq bastamalary quraıtyny sózsiz.

Iаdrolyq qarýsyzdanýdyń ózindik dara jolyn basynan ótkergen Qazaqstan senimdi nyǵaıtýdyń eń tıimdi sharasy qarýsyzdaný bolyp tabylady degen senimine bekemdeı tústi. Osy oraıda IаQTSh-nyń barlyq erejeleriniń tıimdiligi men sózsiz oryndalýyna kedergi keltiretin ıadrolyq derjavalar arasyndaǵy ǵana emes, ıadrolyq jáne ıadrolyq emes memleketterdiń ózara árekettestiginde beleń alǵan senimsizdikke qatysty alańdaýshylyq bildirildi.

Sonymen qatar, Qazaqstannyń atom energııasyn beıbit maqsattarda qaýipsiz jáne senimdi paıdalaný jolyndaǵy eleýli úlesi retinde, 2017 jyly ınaýgýrasııasy ótken jáne bıylǵy jyly saqtaý materıalyn qabyldaǵaly otyrǵan AEHA-nyń Tómen baıytylǵan ýran banki atalyp ótti. Bul saıası sıpattaǵy kedergiler týyndaǵan jaǵdaıda atom elektr stansııalaryna qajetti otyndy úzdiksiz jetkizýdi qamtamasyz etýge arnalǵan teńdesi joq tetiktiń iske qosylatynyn bildiredi.