Memleket basshysy BUU-nyń 17 aımaqtyq bólimshesi ornalasqan keńsesiniń jańa ǵımaratyn aralap kórdi.
Prezıdent halyqaralyq uıym keńsesiniń ashylýy el úshin erekshe mańyzǵa ıe - Qazaqstan halqynyń birligi kúni merekesimen tuspa-tus kelýin jaqsylyqqa balady.
Qasym-Jomart Toqaev Qazaqstan BUU qaǵıdattaryn tolyqtaı ustanatynyn jáne halyqaralyq qaýymdastyqpen qaýipsizdik pen turaqtylyqty saqtaý, adam quqyqtaryn qorǵaý maqsatyndaǵy ózara is-qımyldaryn belsendi túrde jalǵastyra beretinin aıtty.
– Bul tamasha ǵımarat Birikken Ulttar Uıymynyń múddeleri úshin qyzmet etetin bolady. BUU – barlyq el úshin ortaq úı. Bizdiń yntymaqtastyǵymyzdyń arta túsetinine senimdimin. Álem qaýipsizdigi jolynda BUU-nyń Qazaqstandaǵy qyzmetin qoldaı beremiz, – dedi Memleket basshysy.
BUU-nyń Qazaqstandaǵy Turaqty úılestirýshisi Norımasa Shımomýra Qazaqstan Prezıdentine alǵys aıtyp, bul ásem ǵımarat Almaty qalasynyń syıy ekenin atap ótti. Dıplomat jańa keńse Qazaqstan men BUU-nyń jaqyn dostyǵy men yntymaqtastyǵynyń belgisi bolatynyna senim bildirdi.
Qasym-Jomart Toqaev halyqaralyq uıymnyń jumysshylarymen áńgimelesip, kitaphananyń jáne BUU aımaqtyq bólimsheler ókildikteriniń jumysymen tanysty.
