Aımaqtar • 01 Mamyr, 2019

Medıasııa ınstıtýtyn damytý jónindegi memorandýmǵa qol qoıyldy

957 ret kórsetildi

Búgin Shymkenttegi «Qazaqstan halqy Assambleıasy» ǵımaratynda «Tatýlyq – el birligi men yntymaqtastyǵynyń kepili» taqyrybynda medıasııa jelisin ilgeriletýge arnalǵan jıyn ótti.

Basqosýda Shymkent qalalyq soty, qalalyq Qazaqstan halqy Assambleıasy, qalalyq ádilet departamenti, «Kásipodaqtar ortalyǵy» aýmaqtyq kásipodaqtar birlestigi, Shymkent qalasynyń notarıaldyq palatasy, qalalyq advokattar alqasy arasynda qoǵamnyń quqyqtyq turǵydan damýyn jáne uzaq merzimdi ózara tıimdi yntymaqtastyǵyn ornatý maqsatynda memorandýmǵa qol qoıylady.

Is-sharada sóz sóılegen qalalyq sottyń tóraǵasy Erbol Rahymbekov bekitilgen kelisim negizinde taraptar halyq arasynda túsindirý jumystaryn júrgizý, medıasııany qoldaný arqyly daýlardy sheshý kezinde ózara árekettesý boıynsha birlesken júıeli jumystar atqaratynyn atap ótti.

Al, qalalyq Qazaqstan halqy Assambleıasy tóraǵasynyń orynbasary, assambleıa hatshylyǵynyń meńgerýshisi Muratáli Qalmuratov keshe Nur-Sultan qalasynda ótken QHA-nyń XXVII sessııasynda Qazaqstannyń Tuńǵysh Prezıdenti memlekettik organdar janyndaǵy medıasııa ınstıtýty men qoǵamdyq keńesterdiń jumysyn jandandyrý jónindegi tapsyrma bergendigin aıtyp, bul baǵytta aýqymdy mindetter kútip turǵanyn jetkizdi.

Memorandýmǵa qol qoıǵan taraptar yntymaqtasa otyryp bitimgershilikke negizdelgen halqymyzdyń dástúrli bıler taǵylymymen sabaqtasyp jatqan búgingi medıasııa jelisin damytý, qoǵamdyq kelisim men jalpyulttyq birlik salasyndaǵy memlekettik saıasatty paıymdy parasattylyqpen iske asyrýǵa ázirlikterin jetkizdi.

Sondaı-aq, ashyq esik kúnderin ótkizý, medıasııa jelisiniń tıimdiligin turǵyndarǵa keńinen nasıhattaý sharalaryn odan ári jandandyrý jaıyn keńinen talqylady.

Aıta ketý kerek, bıyl Shymkent qalalyq «Qoǵamdyq kelisim» mekemesinde qoǵamdyq qabyldaý júrgizetin, turǵyndar kez-kelgen máselelerimen júgine alatyn medıasııa kabıneti jumys isteıdi. Qala aýmaǵyndaǵy 7 medıasııa ortalyǵymen áriptestik baılanys ornatylyp, 50-den astam qoǵamdyq medıatorlardyń derekqory túzilgen.

Shymkent

 

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar