Qyzmet alýshy halyqtan qyzmet kórsetý sapasyna qatysty oı-pikirleri tyńdaldy.
Tanysý nátıjesimen, jalpy HQKO-na onyń ishinde elektrondy qyzmetter ortalyǵynyń qyzmetine departament basshysynyń da qyzmet alýshylardyń tarapynan da oń baǵa berildi.
Sebebi, elektrondy qyzmetter ortalyǵynda qyzmet kórsetý jańa formatqa kóshirilgen, tehnıkalar men jıhazdary jańartylǵan, bir sózben aıtqanda qazirgi ýaqytta komfortty qyzmet alý úshin barlyq turmystyq jaǵdaılar jasalǵan.
Degenmen, departament basshysy tarapynan HQKO basshylyǵyna syn-eskertpeler men usynystar da ataldy.
Atap aıtqanda, HQKO ǵımaraty jýyrda jóndeý jumystary júrgizilgennen keıin, buryn departamentpen joldanyp ornalasqan kórnekti jerlerdegi «Sıfrlyq agent» mobıldi qosymshasy, qyzmet kórsetý sapasyn shaǵymdaný quqyqtary men departamenttiń meken-jáıy týraly málimetter, sybaılas jemqorlyqqa qarsy úgit-nasıhat materıaldary alynyp, qaıta jańǵyrtylmaǵandy boıynsha eskertildi.
Sonymen qatar ortalyqta óz qyzmetterin júzege asyryp otyrǵan «NUR LTD» JShS ókilderiniń tolyq ashyqtyqty qamtamasyz etýlerin onyń ishinde, kassalyq apparattaryn únemi túrde paıdalanýyn qadaǵalaýdy usyndy.
Budan basqa, kezektiliktiń kóp shoǵyrlanýyn boldyrmaý maqsatynda, anyqtama alý termınaldaryn tolyqtaı iske qosyp, nusqaýshy operatorlardyń sanyn kóbeıtý jóninde de usynystar berildi.
Sondaı-aq, qyzmet alýshylardyń vıdeo shaǵymdaryna arnalǵan arnaıy oryn boıynsha nasıhat jumystaryn kúsheıtýdi usyndy.
«Azamattarǵa arnalǵan úkimet» memlekettik korporasııanyń KEAQ Mańǵystaý oblysy boıynsha fılıalynyń dırektory E. Baıjigit usynystar men eskertpelerdi qatań baqylaýǵa alyp, tıisti qyzmetkerlerge tapsyrmalardy júkteıtindigin jetkizdi.
